كادردا اۆتومات ۇستاعان ەر ادامدار بلوكتىڭ اينالاسىندا جۇرگەنى بايقالادى. ولارعا جاقىن جەردە ادام دەنەسى جاتىر.
بۇعان دەيىن باق پرەمەر-ءمينيستردىڭ مىندەتىن اتقارۋشى كلود دجوزەفكە سىلتەمە جاساپ, تۇندە بەلگىسىز بىرەۋلەر مويزەنىڭ رەزيدەنتسياسىنا شابۋىل جاساعانىن حابارلاعان ەدى.
سالدارىنان مەملەكەت باسشىسى مەن ونىڭ ايەلى مارتين مويس قازا تاپقان.
شابۋىل جاساعانداردىڭ كەيبىرەۋلەرى يسپانشا سويلەگەنى انىقتالعان.
وقيعاعا بايلانىستى ەل استاناسى پورت-و-پرەنستەگى حالىقارالىق اۋەجاي جابىلىپ, كەلگەن ۇشاقتار كەرى قايتارىلدى.
ايتا كەتەيىك, مويس گايتيدى 2017 جىلدان بەرى باسقارىپ كەلگەن. بۇل ونىڭ ومىرىنە جاسالعان العاشقى قاستاندىق ەمەس. اقپان ايىندا مەملەكەتتىك توڭكەرىس جاساپ, رەسپۋبليكا باسشىسىن ولتىرمەك بولعانداردىڭ ارەكەتىن پوليتسيا توقتاتقان بولاتىن.
