ورال ءوڭىرىنىڭ بىرقاتار شالعايداعى اۋداندارىندا جارىق ۋاقىتشا بولماي قالدى. بۇعان جوعارى ءۆولتتى ەلەكتر كەرنەۋلەرى مەن سىمدارىنىڭ بىرىنەن سوڭ ءبىرى بىت-شىت ءۇزىلۋى سەبەپشى بولدى.
ورال ءوڭىرىنىڭ بىرقاتار شالعايداعى اۋداندارىندا جارىق ۋاقىتشا بولماي قالدى. بۇعان جوعارى ءۆولتتى ەلەكتر كەرنەۋلەرى مەن سىمدارىنىڭ بىرىنەن سوڭ ءبىرى بىت-شىت ءۇزىلۋى سەبەپشى بولدى.
مۇنداي توسىن جاعداي قۋات جەلىلەرىنە قالىڭ قىراۋ تۇرعاندىقتان ورىن العان. جىلى اۋا مەن سالقىن اۋانىڭ ءبىر-بىرىمەن ءتۇيىسۋى قالىڭ تۇماننىڭ تۇسۋىنە, ءوز كەزەگىندە مۇنىڭ ءوزى قىراۋدىڭ ودان سايىن قالىڭداۋىنا اسەر ەتكەن.
جاسىراتىنى جوق سول ءبىر كۇندەردە شالعايداعى اۋىل تۇرعىندارىنىڭ كۇنى پىلتە شامعا قاراپ قالدى. وتكەن عاسىردىڭ جارىق بەرۋشى قۇرالى بولعان بۇل شامنىڭ ءوزى بۇگىندە وڭايلىقپەن تابىلا بەرمەيدى. ەلەكتر جارىعىنىڭ جوقتىعى ونىڭ كومەگىمەن جۇمىس ىستەيتىن بۇگىنگى زامانعى كومپيۋتەر, ينتەرنەت, ۇيالى جانە كادىمگى تەلەفون بايلانىستارىنىڭ دا ۋاقىتشا توقتاپ قالۋىنا اكەلىپ تىرەدى.
– مۇندا ادام فاكتورى ورىن العان جوق. وقىس وقيعا تەحنوگەندىك سيپاتتاعى سەبەپتەردەن تۋىندادى. ەلەكتر جارىعى اۋىلدىق وكرۋگتەردە ۋاقىتشا بولماعانىمەن تۇرعىن ۇيلەر مەن الەۋمەتتىك-تۇرمىستىق عيماراتتاردا جىلۋ مەن سۋ ۇزىلگەن جوق. ورىن العان جاعدايدى قالپىنا كەلتىرۋ ىسىمەن ارنايى بريگادالار ۋاقىتپەن ساناسپاستان كۇندىز-ءتۇنى اينالىستى. سونىڭ ناتيجەسىندە قازىر اۋدان ورتالىعى مەن اۋىلدىق وكرۋگتەرگە تۇگەلدەي دەرلىك جارىق قايتادان بەرىلدى, – دەپ حابارلادى گازەت تىلشىسىنە شالعايداعى كازتالوۆ اۋدانىنىڭ اكىمى نۇرلان بەكقايىر.
تەمىر قۇسايىن,
«ەگەمەن قازاقستان».
باتىس قازاقستان وبلىسى.
