سيريا بويىنشا كەلىسسوزدەر ەكى كۇنگە جوسپارلانعان. Ritz-Carlton قوناق ۇيىندە ۇيىمداستىرىلعان كەزدەسۋدە رەسەي مەن سيريا دەلەگاتسيالارى كەلىسسوز جۇرگىزىپ جاتىر.
كۇن تارتىبىندە سيرياداعى الەۋمەتتىك-ەكونوميكالىق جانە سانيتارلىق-ەپيدەميولوگيالىق احۋال, جەنەۆاداعى سيريالىق كونستيتۋتسيالىق كوميتەت جۇمىسىنىڭ جاندانۋ پەرسپەكتيۆالارى, تاراپتار اراسىنداعى سەنىمدى نىعايتۋ, تۇتقىندارمەن الماسۋ, كەپىلگە الىنعانداردى بوساتۋ جانە ءىز-ءتۇسسىز جوعالعانداردى ىزدەۋ سىندى ماسەلەلەر بار.
ايتا كەتەيىك, كەلىسسوزدىڭ ءبىرىنشى كۇنى ەكىجاقتى جانە كەپىلگەر ەلدەردىڭ ۇشجاقتى كونسۋلتاتسياسى, سيريالىق تاراپتارمەن كەلىسسوزدەر, باقىلاۋشى تاراپتاردىڭ دەلەگاتسيالارىمەن بايلانىسى, ال ەكىنشى كۇنى كونسۋلتاتسيالاردى جالعاستىرۋ جانە جالپى وتىرىس وتكىزۋ جوسپارلانعان. جوسپاردا كەپىلگەر ەلدەردىڭ, بۇۇ جانە حالىقارالىق قىزىل كرەست كوميتەتى ساراپشىلارىنىڭ قاتىسۋىمەن ماجبۇرلەپ ۇستالىپ وتىرعان تۇلعالار بويىنشا جۇمىس توبىنىڭ كەزەكتى وتىرىسى بار.
