الماتى قالاسىنداعى جول بەلگىلەرىن شىعاراتىن زاۋىتتىڭ قويماسى ورتەندى. بۇل تۋرالى «24 kz» حابارلادى.
زاۋىتتىڭ 280 شارشى مەتر اۋماعىن جالىن شارپىدى. قازىر قالالىق توتەنشە جاعدايلار دەپارتامەنتىنىڭ قىزمەتكەرلەرى مەن ارنايى زەرتحانا ماماندارى ءورتتىڭ شىعۋ سەبەبىن انىقتاۋدا.
«ءورتتى سوندىرۋگە 15 نەگىزگى جانە 6 ارنايى تەحنيكا مەن جەكە قۇرامنىڭ 95 ادامى جۇمىلدىرىلدى. پەنوپلاست تەز جانادى, ونىڭ ۇستىنە ودان شىعاتىن ءتۇتىننىڭ ءيىسى دە جامان. ءتىلسىز جاۋدى اۋىزدىقتاۋعا 40 مينۋت ۋاقىت كەتتى», - دەيدى ورتكە قارسى قىزمەت ءبولىمى باسشىسىنىڭ اعا كومەكشىسى الەكساندر چەستياكوۆ.
زاۋىت ديرەكتورى قۋانىش اسانوۆتىڭ ايتۋىنشا, ءوندىرىس عيماراتىنىڭ توبەسىن 2008 جىلى دا ءورت شالعان ەكەن. ەندى, مىنە, قىزىل جالىن تاعى بىرنەشە اۋماقتى شارپىدى. باقىتبەك كەنەش ۇلى.
دەرەككوز: «24 kz»
فوتو: «24 kz».
