وڭتۇستىك كورەيا پرەزيدەنتى پاك كىن حە كحدر-گە 1950-1953 جىلدارى كورەي سوعىسى كەزىندە بىرىنەن-ءبىرى كوز جازىپ قالعان وتباسىلاردى كەزدەستىرۋ جونىندە ۇسىنىس ءبىلدىردى. بۇل تۋرالى يتار-تاسس حابارلادى.
پاك كىن حە سونداي-اق پحەنيانعا بولىنەتىن گۋمانيتارلىق كومەكتىڭ مولشەرىن ۇلعايتۋعا ءسوز بەرىپ, كحدر باسشىسى كيم چەن ىنمەن كەز-كەلگەن ۋاقىتتا جولىعۋعا ءازىر ەكەنىن جەتكىزدى.
«ءبىر-بىرىنەن كوز جازىپ قالعان وتباسىلاردى جولىقتىرۋ سىندى گۋمانيتارلىق باعدارلامالاردىڭ جۇزەگە اسىرىلۋى ەكىجاقتى قارىم-قاتىناستى جاقسارتۋعا سەپتىگىن تيگىزەدى», – دەيدى پاك كىن حە.
وڭتۇستىك كورەيا پرەزيدەنتى كورەي تۇبەگىندەگى جاعدايعا دا الاڭداۋشىلىق ءبىلدىردى. ونىڭ ايتۋى بويىنشا, سولتۇستىك كورەيا بيلىگىندەگى ەكىنشى ادام سانالعان چان سون تحەكتىڭ ءولىم جازاسىنا ۇشىراۋى پحەنيانمەن قارىم-قاتىناستى دامىتۋعا كەرى اسەرىن تيگىزۋى مۇمكىن.
پاك كىن حە ەكى كورەيانى بىرىگۋگە شاقىرىپ, سولتۇستىكتىڭ يادرولىق قارۋدى جويۋ تۋرالى باعدارلاماسىنىڭ اسا ماڭىزدى ەكەنىن اتاپ كورسەتتى.
ايدار ورىسباەۆ.
دەرەككوز: Itar-tass.com
فوتو: Itar-tass.com
