ەلىمىز شەكارا قىزمەتكەرلەرى 2 كيلو التىندى زاڭسىز الىپ وتپەك بولعان 33 جاستاعى قازاقستان ازاماتىن ۇستادى. بۇل تۋرالى ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى حابارلادى.
«ورال شەكارا وتريادىنا قاراستى «جايىق» باقىلاۋ-وتكىزۋ بەكەتىنىڭ باقىلاۋشىلارى «ماسكەۋ-الماتى» باعىتىنداعى جولاۋشىلار پويىزىن تەكسەرۋ كەزىندە سالماعى 2 كيلوداي اشەكەيلى زاتتاردى جاسىرىن تۇردە اكەتىپ بارا جاتقان 33 جاستاعى قازاقستان ازاماتىن ۇستادى», - دەلىنگەن ءباسپاسوز حابارلاماسىندا.
سىرعا, جۇزىك سەكىلدى التىننان جاسالعان بۇيىمداردىڭ جالپى قۇنى 10 ملن. تەڭگەگە جۋىقتايدى. قازىر وسى وقيعاعا بايلانىستى تەرگەۋ امالدارى جۇرگىزىلۋدە.
باقىتبەك كەنەش ۇلى.
دەرەككوز: ۇقك شق ءباسپاسوز قىزمەتى
فوتو: Ru. 123 rf. سom.
