كەشەننىڭ اشىلۋىنا اۋدان اكىمى سايران سايفەدەنوۆ قاتىستى. ول جاس سپورتشىلاردى مەرەكەلەرىمەن قۇتتىقتاپ, ولارعا ساتتىلىك پەن ۇلكەن جەڭىستەر تىلەدى.
كەشەن «يۋنوست» كينوتەاترى عيماراتىنىڭ ورنىندا پايدا بولدى. ەكى قاباتتى سپورت كەشەنىنىڭ بوكس زالى - 200 شارشى مەتر. سونىمەن قاتار, بي جانە گيمناستيكا زالدارى بار.
«وسى عيماراتتى بىزگە بەرگەنى ءۇشىن اۋەزوۆ اۋدانىنىڭ اكىمدىگىنە راحمەت. ول 15 جىل بوس تۇردى. ءبىز جوندەۋ جۇمىستارىن جۇرگىزدىك. بارلىعى 33 ملن تەڭگە ينۆەستيتسيا سالىندى. بۇل الەۋمەتتىك جوبا. كەلۋشىلەردىڭ اراسىندا قازىردىڭ وزىندە قالالىق جانە رەسپۋبليكالىق چەمپيوناتتاردىڭ جەڭىمپازدارى بار. كوپبالالى جانە تۇرمىسى تومەن وتباسىلاردىڭ بالالارىنا ۇلكەن جەڭىلدىكتەر بولادى», دەدى سپورت كەشەنىنىڭ ديرەكتورى باعدات سىرلىباەۆ.
سپورت كەشەنى بارلىق قاجەتتى قۇرالدارمەن جابدىقتالعان. بوكس زالىندا ءبىر ۋاقىتتا 30 ادام جاتتىعا الادى. مۇندا جاڭادان باستاۋشىلار دا, كاسىپقوي بوكسشىلار دا كەلە الادى. بولاشاقتا زالدا ۇلكەن جارىستار وتەدى.
بۇل جوبانىڭ ماقساتى - سپورتپەن شۇعىلدانۋعا جانە دەنە شىنىقتىرۋعا قولايلى جاعدايلار جاساۋ, تۇرعىندار اراسىندا سالاۋاتتى جانە بەلسەندى ءومىر سالتىن ناسيحاتتاۋ, ادام ءومىرىنىڭ ساپاسىن جاقسارتۋ.
