• 05 قاڭتار, 2014

قىزىلوردالىقتاردىڭ 91 پايىزى پروكۋراتۋرا جۇمىسىنا رازى

390 رەت

كورسەتىلدى

1 مين

وقۋ ءۇشىن

Egemen Qazaqstan

05-01-14-respondent-2

قىزىلوردا وبلىسى تۇرعىندارىنىڭ 91 پايىزى وبلىستىق پروكۋراتۋرا قىزمەتكەرلەرىنىڭ جۇمىسىنا وڭدى دەپ ەسەپتەيدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى. ساراپتامانى وبلىس اكىمىنىڭ تاپسىرماسى بويىنشا وتكەن جىلدىڭ سوڭىندا «سىر-مەديا» جشس جانىنداعى اقپاراتتىق-تالداۋ ورتالىعىنىڭ ساراپشى-اناليتيكتەرى جۇرگىزدى. ورتالىقتىڭ ساۋالداماسىنا قىزىلوردا قالاسى مەن ارال, سىرداريا جانە جالاعاش اۋداندارىنىڭ جاسى 18-دەن اسقان 700 تۇرعىنى قاتىسقان. ولار 14 سۇراقتان تۇاراتىن ساۋالناماعا جاۋاپ قايتارۋ نەگىزىندە ايماقتاعى قۇقىق قورعاۋ جانە ارنايى ورگاندارىنىڭ جۇمىستارىنا باعا بەرگەن. «ساراپتاما رەسپوندەنتتەردىڭ 83 پايىزىنىڭ وبلىستاعى قۇقىق قورعاۋ ورگاندارى جۇمىستارىنا وڭ باعا بەرەتىنىن كورسەتتى. سونىڭ ىشىندە وبلىستىق پروكۋراتۋرا ورگاندارىنىڭ قىزمەتكەرلەرى 91 پايىزدىق داۋىسپەن ءبىرىنشى ورىنعا شىقتى», - دەلىنگەن حابارلامادا. ورتالىق ساراپتاماسىنىڭ قورىتىندىسى بويىنشا ىشكى ىستەر ورگاندارى قىزمەتكەرلەرى ورنالاسسا, ءۇشىنشى ورىنعا توتەنشە جاعدايلار سالاسىنىڭ قىزمەتكەرلەرى تابان تىرەگەن. ال جۇمىستارىنا وڭ باعا الۋ جاعىنان كوشتىڭ سوڭىندا ۇلتتىق قاۋىپسىزدىك قىزمەتى مەن كەدەن ورگاندارى قالعان. بۇدان بولەك, رەسپوندەنتتەردىڭ 89 پايىزى پروكۋراتۋرا قىزمەتكەرلەرى ءوز مىندەتتەرىن ويداعىداي اتقارادى دەپ ەسەپتەيدى. سول سياقتى سۇرالعانداردىڭ 85 پايىزى جۇرتشىلىقتىڭ وبلىس سالا قىزمەتكەرلەرى جونىندە جاقسى پىكىردە ەكەنىن بىلدىرگەن. ساكەن مايلىباي. دەرەككوز: قىزىلوردا وبلىسى اكىمىنىڭ ءباسپاسوز قىزمەتى.