رەسەيدىڭ ۆولگوگراد قالاسىندا ورىن العان تەراكتىلەردەن كەيىن جۇرگىزىلىپ وتىرعان «ۆيحر-انتيتەررور» ارنايى ءىس-شاراسى بارىسىندا وزىمەن وق-ءدارى تاسىپ جۇرگەن جەرگىلىكتى تۇرعىن قولعا ءتۇستى. بۇل تۋرالى يتار-تاسس حابارلادى.
رەسەي ىشكى ىستەر مينيسترلىگىنىڭ ۆولگوگراد وبلىستىق باسقارماسى مالىمدەگەندەي, پوليتسيا قىزمەتكەرلەرى 46 جاسار ەر ازاماتتىڭ قالتاسىن تەكسەرۋ كەزىندە 19 وق-ءدارى تاپقان.
تەرگەۋ بارىسىندا تۇتقىن ولاردى «پرۋدبوي» اسكەري پوليگونى ماڭىنان تاۋىپ العانىن العا تارتتى. رف ءىىم ۆولگوگراد وبلىستىق باسقارماسىنىڭ قىزمەتكەرلەرى ساراپتاما جۇرگىزىپ, تاركىلەنگەن وقتاردىڭ بارلىعى دا اتۋعا جارامدى ەكەنىن انىقتادى.
ۆولگوگراد تۇرعىنىنا قارسى وق-دارىلەردى زاڭسىز ساقتاۋ ارەكەتى بويىنشا قىلمىستىق ءىس قوزعالدى. كىناسى دالەلدەنگەن جاعدايدا ول 4 جىلعا دەيىن باس بوستاندىعىنان ايىرىلۋى مۇمكىن. قازىرگى ۋاقىتتا تەرگەۋشىلەر ەر ازاماتتىڭ وق-دارىلەردى قانداي ماقساتپەن ساقتاپ جۇرگەنىن انىقتاۋدا.
ەستەرىڭىزگە سالا كەتەيىك, 29 جەلتوقسان كۇنى ۆولگوگراد تەمىرجول ۆوكزالىندا جانكەشتى لاڭكەس ءوز-ءوزىن جارىپ جىبەرگەن. وسى وقيعادان ءبىر تاۋلىك وتپەي جاتىپ, قالادا جولاۋشىلار تولى تروللەيبۋس جارىلدى. ۆولگوگادتا ورىن العان ەكى بىردەي تەراكت سالدارىنان جالپى 34 ادام قازا بولدى. قازىرگى ۋاقىتتا وسى وقيعالاردان جاپا شەككەن 65 ادام اۋرۋحانالاردا جاتىر. ونىڭ 20-سى ماسكەۋگە جەتكىزىلدى.
ايدار ورىسباەۆ.
دەرەككوز: Itar-tass.com
فوتو: Itar-tass.com
