جامبىل وبلىسىنىڭ ورتالىعى – تاراز قالاسىنداعى ونەرتاپقىش امبەباپ ءورت ءسوندىرۋ ماشيناسىن ويلاپ تاپتى. بۇل تۋرالى «24 kz» حابارلادى.
جوعارىدا اتالعان كولىكتى تەوريا جۇزىندە دالەلدەپ شىققان مارات ايۋباەۆ وعان ارنايى پاتەنت الدى.ەگەر, وسى جاڭالىق وندىرىسكە ەنگىزىلەتىن بولسا, ەكى تاۋلىككە دەيىن توقتاۋسىز جۇمىس ىستەي الاتىن ءورت ءسوندىرۋ ماشيناسىن پايدالانا الامىز. زەينەت جاسىنداعى مارات اعامىز ءورت ءسوندىرۋ ماشيناسىن وسىدان 13 جىل بۇرىن ويلاپ تاپقان ەكەن. بۇل ماشينانىڭ ەرەكشەلىگى, ءورتتى 5 ءتاسىل ارقىلى وشىرە الادى. ءارى رەسەيدەن الىناتىن كولىكتەردەن باعاسى 10 ەسە ارزان. «بۇل امبەباپ ءورت ءسوندىرۋ ماشيناسى جالىندى بۋمەن, بۋ ارالاس سۋمەن, كوبىكپەن, ينەرتتى گازبەن جانە سۋدىڭ وزىمەن وشىرە الادى. ماشينانىڭ جۇمىس ىستەۋ ۋاقىتى 50 ساعاتتان اسادى. وكىنىشكە وراي, تەحنيكانى قۇراستىرۋعا قارجى قاجەت بولىپ تۇر», - دەيدى ءسوز ورايىندا م. ايۋباەۆ.
ونەرتاپقىش ءورتتى بۋمەن وشىرەتىن قۇرىلعى دا ويلاپ تاۋىپتى. ونىڭ كومەگىمەن قىزىل جالىندى از ۋاقىتتا وشىرۋگە بولاتىنى ءىس جۇزىندە دالەلدەنگەن.
م. ايۋباەۆ مەديتسينا, ەنەرگەتيكا سالالارى بويىنشا جالپى 25 جاڭالىق اشقان. ونىڭ جيىرماسىنا پاتەنت العان. 67 جاستاعى ونەرتاپقىش جوعارىدا اتالعان امبەباپ ءورت ءسوندىرۋ ماشيناسىن شىعارۋعا قۇزىرلى ورىندار قولداۋ بىلدىرمەسە, جەكە دەمەۋشىلەرگە ءوتىنىش ايتۋعا بەكىنىپ وتىر.
باقىتبەك كەنەش ۇلى.
دەرەككوز: «24 kz»
فوتو: «24 kz».
