الماتىلىق كاسىپكەر ەدىگە يبرايىموۆ قازاقتىڭ كيىز ءۇيىن جاڭا تەحنولوگيالارمەن جابدىقتاپ, ەكولوگيالىق تۇرعىدان تازا, ءارى ارزان قوناق ۇيگە اينالدىرۋدى ماقسات تۇتىپ وتىر. بۇل تۋرالى «قازاقستان» تەلەارناسى حابارلادى.
ول كيىز ءۇيدى شەتەلدىك تۋريستەردى تارتاتىن تابىس كوزى دەپ بىلەدى. «قازاق ءۇي» دەپ اتالاتىن بۇل قوناق ءۇي كەشەنىنە جاڭا جابدىقتار ورناتىلادى. ونىڭ جاساعان جوباسى نەگىزىندە, جاڭاشا كيىز ۇيدە كۇن ەنەرگياسىنان ەلەكتر قۋاتىن وندىرەتىن شاعىن ستانتسيا, بايلانىس پەن كومپيۋتەر جەلىسى, باسقارۋ جانە قاۋىپسىزدىك جۇيەسى, اۋا تەمپەراتۋراسىن رەتتەۋ قۇرالدارى بولادى. بۇل قوناق ۇيلەردى كاسىپكەر «ومبى–مايقاپشاعاي», «الماتى–وسكەمەن» تاس جولدارى بويىنا ورنالاستىراتىن بولادى.
وسى جوبا ىسكە اسىرىلسا, جولاۋشىلاردىڭ جايلى تىنىعۋىنا مۇمكىندىك جاسالعالى وتىر. جالپى بۇل قوناق ءۇي كوپتىڭ كوڭىلىنەن شىقسا, وزگە ايماقتارعا دا ورنالاستىرۋ ءىسى قولعا الىنادى.
باقىتبەك كەنەش ۇلى.
دەرەككوز: «قازاقستان» تەلەارناسى
فوتو: «قازاقستان» تەلەارناسى.
