اقمولا وبلىسى كىندىك - قاراعاي اۋىلىنىڭ تۇرعىنى اقايدار دايىروۆ حيميالىق قوسپاسىز بايپاق (پيما) تىگۋ ءىسىن قولعا الدى. بۇل تۋرالى «24 kz» حابارلادى.
ءۇيىنىڭ جانىنان اشىلعان شاعىن تسەحتا اقايدار دايىروۆ كۇنىنە 2-3 جۇپ بايپاق تىگىپ شىعارادى. بۇل ازامات ەلەكتر قۋاتىن ءتيىمدى پايدالانۋدى ويلاستىرىپ, بايپاق باسۋعا ارنالعان ىستىق سۋدى قايتا پايدالانىپ, اياق كيىمدى كەپتىرۋگە قولدانادى ەكەن. «ءبىزدىڭ اتا-بابالارىمىز بايپاقتى دايىنداۋ ساتىندە كۇكىرت قىشقىلىن قولدانباعان. مەن وسىنى نەگىزگە الا وتىرىپ, ءونىمدى ساپالى شىعارۋعا كوڭىل ءبولدىم. جالپى, كۇكىرت قىشقىلى قوسىلماعان بايپاق (پيما) بىرىنشىدەن - جۇمساق , ەكىنشىدەن جىلى, ۇشىنشىدەن ءتوزىمدى بولادى», - دەيدى ءسوز ورايىندا ا. دايىروۆ.
قازىر كاسىپكەردىڭ بايپاقتارىن الىس اۋىل تۇرعىندارى دا ساتىپ الۋدا. ءتىپتى ارنايى تاپسىرىس بەرەتىندەر دە بارشىلىق. كاسىپكەردىڭ زايىبى قاليا سابىرقىزى بايپاقتى تىگۋ بارىسىندا الدىمەن ءجۇندى ولشەپ الاتىنىن ايتادى. سوسىن ونى شۇبەرەككە وراپ, ەكى بىلەككە سالىپ, يلەيدى ەكەن...
بۇل وتباسى الداعى ۋاقىتتا جەرگىلىكتى بيلىك تاراپىنان قولداۋ بىلدىرىلسە, بايپاق زاۋىتىن اشۋدى كوزدەپ وتىر. ويتكەنى, سولتۇستىك ايماققا اسا قاجەتتى بايپاقتاردىڭ (پيما) 85 پايىزى قازىر رەسەي ەلىنەن تاسىمالدانۋدا. ونىڭ ۇستىنە بۇل اياق كيىمدى تىگۋگە جەرگىلىكتى وڭىردە قوي ءجۇنى جەتكىلىكتى كورىنەدى.
باقىتبەك كەنەش ۇلى.
دەرەككوز: «24 kz»
فوتو: «24 kz».
