شاپقان اتتاي شاپشاڭ ۋاقىتتىڭ كوشى تاعى ءبىر جىلدى ارتقا تاستادى. ءار جىلدىڭ وزىندىك ورنەگى بار. وتكەن جىلى دامۋدىڭ داڭعىل جولىنا تۇسكەن ەلىمىزدە ىرگەلى ىستەر اتقارىلدى. سەرپىندى ءىس-قيمىلعا ءبىزدىڭ اكتسيونەرلىك قوعام دا ەلەۋلى ۇلەس قوستى. كاسىپورىن 210,0 شاقىرىم ماگيسترالدى جانە ءبولۋ جىلۋ قۇبىرلارىن, 23 بۋ قازاندىعىن, 6 ناسوس ستانساسىن پايدالانادى. قازىر ءبىزدىڭ قىزمەتىمىزدىڭ يگىلىگىن 76 مىڭ تۇتىنۋشى كورىپ وتىر. ونىڭ 74 مىڭى جەكە تۇلعالار, قالعانى زاڭدى تۇلعالار بولىپ تابىلادى.
شاپقان اتتاي شاپشاڭ ۋاقىتتىڭ كوشى تاعى ءبىر جىلدى ارتقا تاستادى. ءار جىلدىڭ وزىندىك ورنەگى بار. وتكەن جىلى دامۋدىڭ داڭعىل جولىنا تۇسكەن ەلىمىزدە ىرگەلى ىستەر اتقارىلدى. سەرپىندى ءىس-قيمىلعا ءبىزدىڭ اكتسيونەرلىك قوعام دا ەلەۋلى ۇلەس قوستى. كاسىپورىن 210,0 شاقىرىم ماگيسترالدى جانە ءبولۋ جىلۋ قۇبىرلارىن, 23 بۋ قازاندىعىن, 6 ناسوس ستانساسىن پايدالانادى. قازىر ءبىزدىڭ قىزمەتىمىزدىڭ يگىلىگىن 76 مىڭ تۇتىنۋشى كورىپ وتىر. ونىڭ 74 مىڭى جەكە تۇلعالار, قالعانى زاڭدى تۇلعالار بولىپ تابىلادى.
قالالىقتاردى قىستا جىلۋمەن جانە ىستىق سۋمەن قامتاماسىز ەتۋدە كىدىرىس بولماس ءۇشىن ۇستىمىزدەگى جىلى 8,96 شاقىرىم جىلۋ جەلىلەرى جاڭارتىلدى, وعان 1250,0 مىڭ تەڭگەدەن استام قارجى جۇمسالدى. ونىڭ 6,27 شاقىرىمى بيۋدجەتتىك قارجى ەسەبىنەن, 2,44 شاقىرىمى تاريفتە قارالعان قارجى ەسەبىنەن قايتا جاراقتاندىرىلدى. ينۆەستيتسيالىق باعدارلاماعا سايكەس 0,25 شاقىرىم جىلۋ قۇبىرى قايتا جاراقتاندىرىلدى جانە جاڭارتىلدى. بۇدان باسقا 201,0 شاقىرىم جىلۋ جەلىسىنە اعىمداعى جوندەۋ جۇمىستارى جۇرگىزىلدى. التى ناسوس ستانساسى جانە 23 بۋ قازاندىعى جوندەلدى. قالانىڭ جىلۋ جۇيەسىنە قارجى سالا وتىرىپ, ءبىزدىڭ كاسىپورىن شاھاردىڭ جىلۋمەن قامتاماسىز ەتۋ جۇيەسىن دامىتۋدىڭ, قايتا جاراقتاندىرۋ جانە جاڭارتۋدىڭ 2010-2014 جىلدارعا ارنالعان ينۆەستيتسيالىق باعدارلاماسىن جاساعان-دى. بۇل باعدارلاما بويىنشا دا بىرقاتار شارۋالار تىندىرىلدى. ءبىر ءسوزبەن ايتقاندا, قالالىقتاردىڭ قاھارلى قىستان توڭباۋىنا, ىستىق سۋدان كىدىرىس بولماۋىنا, تۇتىنۋشىلاردىڭ كوڭىلىنە كىربىڭ ءتۇسپەۋىنە العىشارت جاسالدى. بۇرىننان قالىپتاسقان ءداستۇر بويىنشا اپاتتىق جاعدايدى كەمىتۋگە باعىت ۇستالۋدا. شىنى كەرەك, سوڭعى بەس-التى جىل بويى باسقا وڭىرلەردەگىدەي كۇردەلى جاعداي تۋىنداعان جوق. جاڭا جىلعا دەيىن كاسىپورىن قالىپتى رەجىمدە جۇمىس ىستەپ كەلدى. بۇل ءۇردىس جاڭا جىلدا دا جالعاسىن تاباتىنىنا بەك سەنىمدىمىن. قانشاما قاپىسىز قامداندىق دەسەك تە, ىشتەي جىلدىڭ جايلى بولعانىن قالايتىنىمىز شىندىق.
الداعى جىلدان نە كۇتەسىز دەگەندە, تاريفتە قارالعان 177,7 ملن. تەڭگە قارجىعا 2,5 شاقىرىمعا كۇردەلى جوندەۋدى ساپالى جۇرگىزسەك دەگەن وي بار. جالپى, قايىپتان تايىپ, بىزگە بايلانىستى ەمەس جاعدايلار تۋىنداماسا, جىلۋ مەن ىستىق سۋ باعاسىن بۇرىنعى دەڭگەيدە ۇستاۋدى قاراستىرۋدامىز. سونداي-اق, جاڭا جىلدا ءبىزدىڭ قىزمەتتەرىمىز ءۇشىن قارىزدار تۇتىنۋشىلار بەرەشەگىن وتەي باستاسا قۇبا-قۇپ بولار ەدى. بۇل ءوز جۇمىسىمىزعا قاتىستى ۇمىتتەر.
وتكەن جىلى جەكە باسىمدا دا قۋانىشتار بولدى. ماعان «اقتوبە قالاسىنىڭ قۇرمەتتى ازاماتى» اتاعىن بەردى. بۇل قۇرمەت مەنى كاسىپورىن جۇمىسىن بۇرىنعىدان دا جاقسارتا تۇسۋگە جىگەرلەندىرەدى. ءبىزدىڭ جۇمىسىمىزدىڭ باستى باعدارى – تۇتىنۋشىلارىمىزدىڭ كوڭىلىنەن شىعۋ بولماق. ازىرگە قالالىقتار تاراپىنان جىلۋ مەن ىستىق سۋعا قاتىستى ارىز- شاعىم تۇسە قويعان جوق. بۇل ءبىزدى بۇرىنعىدان گورى جيناقى جۇمىس ىستەۋگە, قول جەتكەن بيىكتەن الاسارماۋعا مىندەتتەيدى. وبلىستىق ءماسليحاتتىڭ دەپۋتاتى رەتىندە ءوڭىر ديقاندارىنىڭ سوڭعى جىلدارداعى قۋاڭشىلىقتىڭ سالدارىنان كۇردەلى جاعدايعا قالىپ جۇرگەنىنەن حاباردارمىن. سوندىقتان قىستا قار قالىڭ ءتۇسىپ, جازدا جاۋىن-شاشىننىڭ مول بولعانىن قالايمىن. بۇل ديقان قاۋىمىنىڭ بىتىك ەگىن وسىرۋىنە نەگىز قالار ەدى.
ال, جالپى ەلىمىز بويىنشا العان باعىتىمىزدى ىلگەرى اپارۋدىڭ ءساتتى قادامدارى جالعاسىن تابۋىنا تىلەكتەسپىن. تاتۋلىق پەن تۇراقتىلىقتىڭ التىن ارقاۋى ۇلتارالىق دوستىقتىڭ ءتىنى بۇرىنعىدان بەكي بەرسىن. ەلباسى العا قويعان اسقارالى مىندەتتەردى جۇزەگە اسىرۋعا بارشا قازاقستاندىقتار ءبىر كىسىدەي قۇلشىنىس تانىتسا دەگىم كەلەدى. ۇلتتىق سالت-ءداستۇرىمىزدى ۇستانۋدى, قازاق ءتىلىنىڭ قولدانىس اياسىن كەڭەيتۋدى باستى باعدار ەتىپ الاتىن كەز دە جەتتى. جاھاندانۋعا جۇتىلماۋدىڭ باستى قادامى جاستاردى وتانشىلدىققا, ەلىن سۇيۋگە, تاربيەلەۋگە ارقايسىمىز اتسالىسۋىمىز كەرەك دەگەن وي قاپەرگە الىنسا دەگەن دە تىلەك بار. تابالدىرىقتان اتتاعان جاڭا 2014 جىلدان داستارقانىمىزعا مولشىلىق, شاڭىراعىمىزعا شاتتىق اكەلەتىندەي باعالى باستامالار, ەلىمىزدىڭ الەم الدىنداعى بەدەلىن بيىكتەتەتىن قادامدارىمىزعا ساتتىلىك تىلەيمىن. مەرەكەلى دە بەرەكەلى جىل بولسىن. جاڭا جىل بارشا قازاقستاندىقتارعا باقىت اكەلسىن, تابىسىمىز مولايىپ, تۇرمىسىمىز جاقسارعان ۇستىنە جاقسارا بەرسىن دەگىم كەلەدى ءسوزىمنىڭ سوڭىندا.
ءماجيت بەكمەەۆ,
«ترانسەنەرگو» اق ديرەكتورى,
وبلىستىق ءماسليحاتتىڭ دەپۋتاتى.
اقتوبە وبلىسى.
