جەڭىمپازداردىڭ ءتىزىمىن قۇراۋ ءۇشىن تاۋەلسىز تاعايىنداۋ كوميتەتى قۇرىلدى. ونىڭ قۇرامىنا قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, ەۋرازيالىق ەكونوميكالىق كوميسسيانىڭ ينتەگراتسيا جانە ماكروەكونوميكا جونىندەگى القا مۇشەسى (مينيستر) سەرگەي گلازەۆ, احقو جاسىل قارجى ورتالىعى ديرەكتورلار كەڭەسىنىڭ توراعاسى, احقو اكىمشىلىگى توراعاسىنىڭ ءبىرىنشى ورىنباسارى قايرات ايتەكەنوۆ, قىتايدىڭ جاسىل قارجى جونىندەگى كوميتەتىنىڭ توراعاسى, پەكين قارجى جانە تۇراقتىلىق ينستيتۋتىنىڭ ديرەكتورى, G20 جاسىل قارجى جونىندەگى زەرتتەۋ توبىنىڭ توراعاسى ما دجۋن, بۇۇ-نىڭ تۇراقتى قور بيرجاسى باستاماسىنىڭ توراعاسى دجەيمس چجان, Fس4S باسقارۋشى ديرەكتورى ستيۆەن نولان جانە Climate Bonds Initiative نەگىزىن قالاۋشى جانە باس ديرەكتورى شون كيدني كىردى.
Green Finance Awards 2021 سىيلىعىن تاپسىرۋ ءراسىمى بارىسىندا ماراپاتتار بەس نوميناتسيا بويىنشا كەلەسى جەڭىمپازدارعا بەرىلدى:
- ۇزدىك جاسىل بانك – اكب «ۋزپرومسترويبانك», وزبەكستان. بانك وزبەكستاننىڭ جاسىل ەكونوميكا ستراتەگياسىن بەلسەندى قولدايدى. اكب "ۋزپرومسترويبانك" جاسىل جوبالاردى بەلسەندى نەسيەلەۋمەن اينالىسادى جانە 682 ملرد سوم بالاماسىندا جاسىل نەسيە پورتفەلى بار, ونىڭ ىشىندە 620 جاسىل نەسيە بەرىلگەن.
- دامۋشى نارىقتارداعى العاشقى جاسىل وبليگاتسيا - Georgia Global Utilities, گرۋزيا. كومپانيا 2020 جىلدىڭ 23 شىلدەسىندە 250 ميلليون دوللارلىق جاسىل وبليگاتسيالاردىڭ العاشقى ورنالاستىرىلۋىن ءساتتى وتكىزدى. وبليگاتسيالاردى شىعارۋدان تۇسكەن قاراجات قولدانىستاعى كرەديتتىك كەلىسىمدەردى قايتا قارجىلاندىرۋ جانە سۋمەن جابدىقتاۋ جانە كارىز سالاسىنداعى كۇردەلى شىعىنداردى قارجىلاندىرۋ ءۇشىن پايدالانىلاتىن بولادى.
- جاسىل قارجىلاندىرۋ قۇرالدارىنا ارنالعان ۇزدىك بيرجالىق الاڭ - قازاقستان قور بيرجاسى, قازاقستان. 2020 جىلى ازيا دامۋ بانكى KASE-دە 14 ملرد تەڭگە سوماسىنا ەكى جىلدىق جاسىل وبليگاتسيالاردى ورنالاستىردى. KASE, بۇۇ تۇراقتى قور بيرجالارى بويىنشا باستاماسىنىڭ مۇشەسى بولىپ تابىلادى جانە جاقىن بولاشاقتا ESG-اقپاراتتى اشۋدى مىندەتتى ەتۋدى جوسپارلاپ وتىر.
- جاسىل قارجىلاندىرۋدى دامىتۋعا قوسقان زور ۇلەس - قازاقستانداعى بۇۇدب. قازاقستانداعى بۇۇدب قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگىمەن جانە «دامۋ» كدق اق-مەن بىرلەسىپ, جاسىل تەحنولوگيالاردى ەنگىزەتىن شاعىن جانە ورتا بيزنەستى جەڭىلدىكپەن كرەديتتەۋ باعدارلاماسىن ىسكە اسىرۋدا. باستاما اياسىندا بۇگىنگى تاڭدا 11 ملرد تەڭگەدەن استام سوماعا 100 جوباعا قولداۋ كورسەتىلدى, ونىڭ ىشىندە 2,1 ملرد تەڭگە سوماعا 36 جوبا ىسكە اسىرىلدى. سونداي-اق, بۇۇدب قازاقستاندا كۋپوندىق مولشەرلەمە ءۇشىن سۋبسيديالار بەرە وتىرىپ, 2020 جىلعى تامىزدا قازاقستاننىڭ جاسىل وبليگاتسيالارىنىڭ العاشقى شىعارىلىمىن قولدادى.
- جاسىل قارجى بويىنشا ۇزدىك كونسالتينگ – «Green Investment Group» جشس, قازاقستان. وسى سالادا جاسىل ينۆەستيتسيالار مەن كونسۋلتاتسيالىق قىزمەتتەر كورسەتۋگە ماماندانعان قازاقستاندىق كومپانيا. كومپانيا پورتفەلىندە سىرتقى شولۋلاردى (External Reviews), ەنەرگەتيكالىق كەشەندەردى دامىتۋ ستراتەگيالارىن, ESG-ساياساتتى قوسا العاندا, ءتۇرلى كومپانيالاردىڭ دامۋ باعدارلامالارىن ازىرلەۋ بار.
ء«بىزدىڭ بانكتى ترانسفورماتسيالاۋ ۇدەرىسىندەگى باسىم باعىتتاردىڭ ءبىرى Green Banking بولىپ تابىلادى. بانكتە جاسىل كرەديتتەر پورتفەلىنىڭ ۇلەسىن ۇلعايتۋعا جانە ەكولوگيالىق جانە الەۋمەتتىك تاۋەكەلدەردى باسقارۋ جۇيەسىن جولعا قويۋعا جاۋاپتى ارنايى دەپارتامەنت قۇرىلدى. ءوز تاراپىمىزدان ءبىزدىڭ بانكتىڭ كرەديتتىك پراكتيكاسىنا جاسىل قارجىلاندىرۋ قاعيداتتارىن نەعۇرلىم كەڭىنەن ەنگىزۋ ءۇشىن بۇدان دا كوپ كۇش-جىگەر جۇمسايتىن بولامىز», دەدى «ۋزپرومسترويبانك» اكب باسقارما توراعاسىنىڭ ورىنباسارى زافار ازيموۆ سىيلىقتى تابىستاۋ راسىمىندە.
قازاقستانداعى بۇۇدب باسشىسى ياكۋپ بەريش احقو-عا ىنتىماقتاستىق ءۇشىن العىسىن ءبىلدىردى, بۇل ورتالىق ازيادا جاسىل وبليگاتسيالار شىعارۋدى قوسا العاندا, بىرقاتار ماڭىزدى باستامالارعا اكەلدى.
«سونداي-اق بۇۇدب قازاقستاندى تومەن كومىرتەكتى وسۋگە كوشىرۋ ءۇشىن جاڭا ينۆەستيتسيالار تارتۋعا جانە پاريج كەلىسىمىنە سايكەس ونىڭ حالىقارالىق مىندەتتەمەلەرىن ورىنداۋعا قولداۋ كورسەتۋگە دايىن ەكەنىن راستاۋعا رۇقسات ەتىڭىز», دەپ اتاپ ءوتتى.
«Green Investment Group» جشس ديرەكتورى جاننا تۋەنباەۆا: ء«بىز قازاقستاندا جانە بۇكىل الەمدە جاسىل قارجىلاندىرۋدى ىلگەرىلەتەتىن بەلسەندى قاتىسۋشىلار توبىنا قوسىلۋعا قۋانىشتىمىز. ءبىزدىڭ كوماندا الداعى ۋاقىتتا قوعامنىڭ يگىلىگى ءۇشىن ءتيىمدى جۇمىس ىستەۋ ءۇشىن بارلىق كۇش-جىگەرىن جۇمسايتىنىنا سەندىرگىم كەلەدى».
احقو جاسىل قارجى ورتالىعى وڭىردەگى جاسىل قارجىلاندىرۋ سالاسىنداعى ۇزدىك جەتىستىكتەردى قاداعالاۋ بويىنشا جۇمىستى جالعاستىرادى. جەڭىمپازداردىڭ كورسەتكىشتەرى تۇراقتى دامۋ جانە جاسىل قارجىلاندىرۋ سالاسىنداعى جوعارى حالىقارالىق ستاندارتتارعا سايكەستىك ينديكاتورى بولادى دەپ كۇتىلۋدە.
