ونەر • 02 شىلدە، 2021

قازاقكونتسەرت مەرەيتويلىق ماۋسىمىن قورىتىندىلادى

تۇتاس ماۋسىمدى قورىتىندىلاعان گالا-كونتسەرتتە ايمان مۋساحادجاەۆا، ازامات جەلتىرگۋزوۆ، مەدەت چوتاباەۆ، ەرلان رىسقالي، سالتانات احمەتوۆا، الفيا كاريموۆا، ايزادا كاپونوۆا، ازات ماليك، ايگەرىم التىنبەك سىندى تانىمال سوليستەر ونەر كورسەتتى، دەپ حابارلايدى Egemen.kz.

گاۋھار قاپاش

سونداي-اق ونەر سۇيەر قاۋىم قازاق مەملەكەتتىك سيمفونيالىق وركەسترىنىڭ ورىنداۋىنداعى ۇزدىك شەدەۆرلەردى تىڭداي الدى. ديريجەرلىك تۇرعىدا - ۋكرايناداعى دنەپروپەتورۆسك فيلورمونياسىنىڭ كوركەمدىك جەتەكشىسى، ايدار تورىباەۆ.

كونتسەرتتە ونەر سۇيەر قاۋىم كلاسسيكالىق مۋزىكانىڭ جاۋھارلارىنا اينالعان تۋىندىلارمەن سۋسىندادى. كونتسەرتتىك باعدارلاماعا «قىز جىبەك»، «ەڭلىك-كەبەك»، «كارمەن»، «سەۆيلسكي تسيريۋلنيك»، «يروديادا» جانە ت.ب. وپەرالاردىڭ اريالارى ەنگەن. سونىمەن بىرگە كونتسەرتتە ە. حاسانعاليەۆ، س. ەركىمبەكوۆ، دج. روسسيني، ي.گايدن جانە ۆ.ا.موتسارت، ل. بەرنستاين، ل.حاميديسىندى بەلگىلى كومپوزيتورلارىنىڭ تۋىندىلارى شىرقالدى. كونتسەرتتىڭ ءاربىر مۋزىكالىق نومەرىمەن ەرەكشە ۇيلەسىم تاپقان ارتىستەردىڭ كاسىبي شەبەرلىگى كورەرمەننىڭ جوعارى باعاسىن الدى.

كونتسەرتتىك ۇيىمنىڭ باسشىسى جەڭىس سەيدۋللا ۇلىنىڭ ايتۋىنشا، وسى ماۋسىمدا جۇرتشىلىققا ۇسىنعان جاڭالىق از بولعان جوق. الپىستىڭ اسۋىن باعىندىرىپ، يگى ءداستۇر مەن جاڭاشىلدىقتى قاتار ۇشتاستىرا بىلگەن قازاقكونتسەرتتىڭ بارلىق جوبالارى بيىلعى كونتسەرتتىك ماۋسىمدا دا حالىقتى رۋحاني سۋسىنداتىپ، بارشاعا قولجەتىمدى بولا ءبىلدى.

«مەرەيتويلىق جىلدىڭ اياسىندا ءبىزدىڭ ارتىستەر كورەرمەندەردى ونلاين جانە وفلاين فورماتتاعى ءىس-شارالارمەن قۋانتتى. اتاپ ايتقاندا، ونەر سۇيەر قاۋىم 50-گە جۋىق وفلاين جانە 100-گە تارتا ونلاين فورماتتاعى جاڭا جوبالاردى ۇسىندى. ونىڭ ىشىندە قايىرىمدىلىق ءىس-شارالار، اشىق اسپان استىنداعى قويىلىمدار مەن كونتسەرتتەر بار. بيىل قازاقكونتسەرتتىڭ شىعارماشىلىق الەۋەتى جاڭا باعىتتا دامي ءتۇسىپ، ۇيىمنىڭ الەۋمەتتىك ماڭىزى دا ارتا ءتۇستى. ءبىز ءدال وسى قارقىنمەن ەندى جاڭا كونتسەرتتىك ماۋسىمعا دايىندىق جۇرگىزەمىز»، دەدى جەڭىس سەيدۋللا ۇلى.

ادامزات ءۇشىن قيىن مەجەلەردىڭ ءبىرى – پاندەميانىڭ كەزىندە وتكەن 60 جىلدىق مەرەيتويلىق ماۋسىم دا ءوز مارەسىنە جەتتى. سانيتارلىق تالاپتار مەن ەرەجەلەردى ساقتاي وتىرىپ جۇزەگە اسقان بۇل كونتسەرتتىك ماۋسىم ارتيستەردىڭ دە، كورەرمەن قاۋىمنىڭ دا ەسىندە قالارى ءسوزسىز.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز