POWr كومپانياسىنىڭ قازاقستانداعى وكىلدىگى Code4U مەكەمەسىندە 25-كە جۋىق ادام قىزمەت ەتەدى. كومپانيا ديرەكتورى جانە باس soft ينجەنەرى ايگۇل يماديلداەۆانىڭ ايتۋىنشا, كومپانيا شتاتى ءوسىپ جاتىر. سوعان بايلانىستى Full-stack پروگرامميستەرى مەن Ruby on Rails باعدارلامالىق جاساقتاماسىن, JavaScript, React-تى بىلەتىن جاس مامانداردى جۇمىسقا الۋ قاراستىرىلادى.
كومپانيا ديرەكتورى اقش-پەن ۋاقىت ايىرماشىلىعىنا قاراماستان, جۇمىس بىرقالىپتى ءجۇرىپ جاتقانىن اتاپ ءوتتى. سونىمەن قاتار قازاقستاندىق جۇمىسشىلارىنىڭ ناتيجەسىنە قاناعاتتاناتىنىن جانە بولاشاقتا پروگرامميستەردى تەك ءبىزدىڭ ەلدەن جالداۋعا نيەتتى ەكەنىن العا تارتتى.
«قازىرگى تاڭدا امەريكاندىق كومپانيالار اراسىندا قازاقستاننان قىزمەتكەر جالداۋ ترەندكە اينالىپ جاتىر. سەبەبى قازاقستاندىقتاردىڭ اراسىندا دا امەريكاندىقتار دەڭگەيىنەن كەم تۇسپەيتىن ماماندار بار», دەيدى ا.يماديلداەۆا.
ايتا كەتەيىك, POWr - سان-فرانتسيسكوداعى پلاگيندەردى دامىتۋدا كوشباسشتابىعا اينالعان كومپانيا. ول الەمدەگى 8 ميلليونعا جۋىق شاعىن بيزنەسكە كومەكتەسكەن. سەرىكەستەرىنىڭ ىشىندە eCommerce, WordPress, Wix, Weebly, Jimdo, Shopify, Bigcommerce جانە ت.ب. تانىمال كومپانيالار بار.
