اتالعان ۇيىمنان 17 مىڭ ادام زارداپ شەككەن. ولار 30 ميلليارد تەڭگەدەن استام شىعىنعا ۇشىراعان.
تەرگەۋ شارالارى جارتى جىلعا سوزىلعان ىستە 48 ادام كۇدىكتى دەپ تانىلدى. ونىڭ 33-ءى قاماۋدا. قالعان التاۋىنا ىزدەۋ جاريالانعان.
«ۇيىم باسشىلارىنا قاتىستى 32 قىلمىستىق ءىس تىركەلدى. كۇدىكتىلەردەن 70 ميلليون تەڭگەدەن استام قاراجات, ءتۇرلى م ۇلىكتەر تاركىلەندى. ول زاڭ بويىنشا, قىلمىستىق جولمەن تابىلعان پايدا», دەدى ءىىم تەرگەۋ دەپارتامەنتىنىڭ باسشىسى سانجار اديلوۆ.
ودان بولەك پوليتسەيلەر 15 كولىك, ەكى جۇك كولىگى, ەكى اۆتوكران, قاردا جۇرەتىن كولىك, 29 پاتەر, التى ءۇي, ءۇش جەر تەلىمى, بەس كولىك تۇراعى مەن ءبىر كوفە-بيليارد كەشەنىن تاركىلەدى. كۇدىكتىلەردەن تاركىلەنگەن م ۇلىكتىڭ جالپى قۇنى ەكى ميلليارد تەڭگەدەن استام.
ايتا كەتەيىك, «گارانت 24 لومبارد» ۇيىمداستىرۋشىلارى اقتوبە وبلىسىنىڭ تۋماسى بولعاندىقتان, سوت وتىرىسى وسى قالادا ءوتىپ جاتىر.
اسەل سارقىت
