كوروناۆيرۋس • 30 ماۋسىم، 2021

ۆاكتسينا الۋشىعا – سىيلىق

169 رەت كورسەتىلدى

كوروناۆيرۋس ينفەكتسياسىنا قارسى ۆاكتسينالاۋ كورسەتكىشى تومەن ءوڭىردىڭ ءبىرى – اتىراۋ وبلىسى. ەندى تۇرعىندار اراسىندا ۆاكتسينا الۋ قارقىنىن ارتتىرۋ ءۇشىن اقشالاي سەرتيفيكاتتار ۇتىسقا قويىلاتىن بولدى. وبلىس اكىمى ماحامبەت دوسمۇحامبەتوۆتىڭ مالىمەتىنشە، مۇنداي ىنتالاندىرۋ ءتاسىلى ءۇش اي بويى جالعاسادى.

– وڭىردە 26 ماۋسىمنان بەرى ­كوروناۆيرۋس ينفەكتسياسىنىڭ تىر­كەلۋى جوعارىلادى. سول سەبەپ­تەن ءوڭىر «قىزىل ايماققا» ءوتتى. سوڭ­عى تاۋلىكتە ىندەتتى جۇقتىرۋدىڭ 66 جاعدايى انىقتالىپ، رەپ­رو­دۋك­تيۆتىك كوەففيتسيەنتى 1،27-گە جەتتى. وسىعان بايلانىس­تى جاع­دايدى تۇراقتاندىرۋ ءۇشىن باس ساني­تار دارىگەردىڭ قاۋلى­سى­مەن 28 ماۋ­سىمدا اتىراۋ وبلى­سىندا كاران­تيندىك شەكتەۋ شا­رالارى كۇشەي­تىلدى. ال «تە­ڭىز» كەن ورنىنداعى كارانتين مەر­زىمى ۇزارتىلدى، – دەيدى م.دوس­مۇحامبەتوۆ.
اكىمنىڭ مالىمەتىنە سۇيەنسەك، قازىر وبلىستاعى ينفەكتسيالىق توسەكتىك-ورىن سانى – 2 098. جۇك­تەمە – 346 ناۋقاس نەمەسە 16،5%. بۇل 1 ماۋسىمداعى جاع­داي­مەن سا­لىس­تىرعاندا 21%-عا تو­مەن. وڭىر­دە 81 رەانيماتسيالىق تو­سەك­تىك ورىن بار. وندا 25 ناۋقاس ەم­دەلۋدە، جۇكتەمە – 31%. بۇعان قوسا قوسىمشا 750 توسەكتىك ورىن ازىرلەندى. ونىڭ 57-ءسى رەانيما-
تسيالىق ورىنعا ارنال­عان. قازىر قاۋىپتى ۆيرۋستى جۇقتىر­عان­دار­­دىڭ اراسىنان 347 ناۋقاس امبۋ­لا­توريالىق ەم قابىلداپ جا­تىر. ءۇي جاعدايىندا ەمدەلىپ جاتقان ناۋقاستارعا 26 موبيلدىك بريگادا باقىلاۋ جاسايدى.
– وڭىرگە كوروناۆيۋرسقا قار­سى سالىناتىن ۆاكتسينالاردىڭ 1-كومپونەنتى ءۇشىن 120 200 دوزاسى، 2-كومپونەنتتىڭ 117 200 دوزاسى جەتكىزىلدى. ۆاكتسينالار­دىڭ 1-كومپونەنتىن 81 861، 2-كوم­پو­نەنتىن 44 827 ادام سالدىردى. قازىر ۆاكتسينالاۋ قارقىنى ارتىپ كەلەدى. وتكەن اپتادا الدىڭعى اپتا­مەن سالىستىرعاندا ەكپەمەن قام­تىلعاندار سانى 41%-عا ءوسىپ وتىر. جالپى، ەكپە جۇمىستارىن جۇرگىزۋ ءۇشىن وبلىستا 41 ەگۋ كابي­نەتى اشىلدى. ونىڭ ىشىندە 31 ستا­تسيونارلىق، 10 جىلجىمالى بەكەت بار. دەمەۋشىلەردىڭ قولداۋىمەن الداعى ءۇش ايدا ەكپە الۋشىلار اراسىندا اقشالاي سەرتيفيكاتتاردىڭ ۇتىسى ۇيىمداستىرىلادى، – دەيدى وبلىس اكىمى.
ال وبلىستىق دەنساۋلىق ساق­تاۋ باسقارماسىنىڭ ءباسپاسوز قىز­مەتىنەن ءمالىم ەتكەندەي، كاسىپ­-
كەرلىك نىساندارىنىڭ اراسىنان «دينا» ساۋدا ورتالىعىنىڭ باسشىلارى ۇجىمدىق يممۋنيتەت­تى قالىپتاستىرۋ ءۇشىن ۆاكتسينا العاندارعا سىيلىق بەرۋ باستاماسىن ۇسىنىپتى. اتالعان ساۋدا ورتالىعىنداعى ۆاكتسينالاۋ بەكەتىندە ەكپە العان ءار ادامعا سىيلىق بەرىلەدى.
– ويتكەنى پاندەميانىڭ قاۋ­پى ءالى سەيىلگەن جوق. تىرشىلىك قامى­مەن جۇرەتىن تۇرعىندار قاۋىپ­سىزدىك شارالارىن ساقتاۋدى ەسكەر­مەۋى مۇمكىن. سول سەبەپتەن ءبىز دە با­زار­دا كاسىبىن جۇرگىزەتىندەر مەن كەلۋشىلەردىڭ ۇجىمدىق يم­مۋنيتەتى قالىپتاسقانىن قالاي­مىز. ۆاكتسينا سالدىرۋ ارقىلى عانا كوروناۆيرۋس ينفەكتسياسى­نىڭ تارالۋىن توقتاتا الامىز. كۇزگە قاراي ۆاكتسينا العانداردىڭ اراسىندا تۇرمىستىق تەحنيكالار­دىڭ ۇتىس ويىنىن وتكىزۋدى جوس­پارلاپ وتىرمىز، – دەيدى «دينا» ساۋدا ورتالىعىنىڭ اكىمشىسى بايان رايىمقۇلقىزى.
تۇرعىنداردى ۆاكتسينا الۋعا ىنتالاندىراتىن باستاماعا وزگە ساۋدا ورتالىقتارىنىڭ يەلەرى دە قول­داۋ ءبىلدىرىپ وتىر. سونىڭ ءبىرى – «تاماشا» ساۋدا ورتالىعى. بۇل ساۋ­دا ورتالىعىندا ۆاكتسينا ال­عاندارعا لوتەرەيا بيلەتى بە­رىلىپ، تىر­كەۋدەن وتكىزەدى. لوتە­رەيا­­نىڭ قورى­تىندىسى 15 تامىز­دا شى­عارىلىپ، جەڭىمپاز گرۋ­زيا ەلىنە تۋريستىك جولدامانى يەلەنەدى.

اتىراۋ وبلىسى

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار