اتىراۋ قالاسىندا بۇرىن ىزدەۋدە جۇرگەن كاسىپورىن ديرەكتورى ۇستالدى. قازىر ول اتىراۋ تەرگەۋ يزولياتورىندا قاماۋدا. سىبايلاس جەمقورلىققا قارسى قىزمەتتىڭ ءباسپاسوز قىزمەتى اقپاراتتى راستادى.
2020 جىلعى ماۋسىمدا اتىراۋ وبلىسى بويىنشا سىبايلاس جەمقورلىققا قارسى قىزمەت قر ءىىم قاجك «ەڭبەك-اتىراۋ» بولىمشەسىنىڭ باسشىسىنا جانە باسقا دا تۇلعالارعا قاتىستى قوسالقى مەردىگەرلەرمەن شارت جاساسۋ كەزىندە پارا الۋ دەرەگى بويىنشا قر قك 366-بابى 3-بولىگىمەن «ادامدار توبىنىڭ الدىن الا ءسوز بايلاسۋى بويىنشا بىرنەشە رەت پارا الۋ» سوتالدى تەرگەۋدى باستاعان.
كەيىن ايىپتاۋعا قر قك 189-بابى 3-بولىگى «كىنالىگە سەنىپ تاپسىرىلعان بوتەن م ۇلىكتى يەمدەنۋ نەمەسە تالان-تاراجعا سالۋ, ياعني ءوزىنىڭ قىزمەت بابىن پايدالانا وتىرىپ, ادامنىڭ الدىن الا ءسوز بايلاسۋى بويىنشا توپتىڭ جىمقىرۋ» قوسىلعان.
«ەڭبەك-اتىراۋ» اتىراۋداعى توعىز سۋبۇرقاق قۇرىلىسى جوباسىنىڭ مەردىگەرى بولعان. قۇنى ءبىر ميلليارد تەڭگەگە جۋىق جوبا مەردىگەردىڭ بيۋدجەت قاراجاتىن جىمقىرۋ دەرەگى بويىنشا سوتالدى تەرگەپ-تەكسەرۋ باستالعاننان كەيىن توقتاتىلدى.
سونىمەن قاتار 2019 جىلى «ەڭبەك-اتىراۋ» قۇنى 354 ميلليون تەڭگە بولاتىن كوپپاتەرلى تۇرعىن ۇيلەردەگى 50 اۋلانى جارىقتاندىرۋ بويىنشا تەندەردى جەڭىپ العان.
كەيىن اتىراۋداعى ۇيلەردىڭ ءبىرىنىڭ اۋلاسىندا سەگىز جاسار بالانى توك سوعىپ, «ەڭبەك-اتىراۋ» ورناتقان بۇكىل كوشە شامىنا ەلەكتر بەرۋ توقتاتىلعان.
