جوبا جاقسى ناتيجە كورسەتىپ, ءوزىنىڭ قاجەتتىلىگىن دالەلدەدى. سوندىقتان, بيىل ۇەۇ اكادەمياسى جاڭارتىلعان جانە تەرەڭ ءبىلىم فورماتىن ۇسىندى. ناتيجەسىندە, ءساۋىر ايىندا تانىستىرىلعان ارنايى عىلىمي زەرتتەۋ نەگىزىندە ەڭ قاجەتتى پاندەرگە نازار اۋداراتىن بىرەگەي ءبىلىم بەرۋ باعدارلاماسى قۇرىلدى. 15 ماۋسىم كۇنى ۇەۇ-عا ارنالعان ءبىلىم بەرۋ باعدارلاماسى باستالدى. وندا 8 مودۋل قاراستىرىلعان, ونىڭ ارقايسىسىندا 5 ترەنينگ بار.
وقىتۋ تاقىرىپتارىنىڭ اۋقىمى وتە كەڭ, وعان ماركەتينگ جانە PR, فاندرايزينگ, جوبالاردى باسقارۋ, اقپاراتتىق تەحنولوگيالار, الەۋمەتتىك جوبالاۋ جانە تاعى باسقالار كىرەدى. وقۋدىڭ قانشالىقتى ءتيىمدى بولعانىن ءتۇسىنۋ ءۇشىن وقۋ باسىندا جانە سوڭىندا ولشەمدەر جۇرگىزىلەدى.
«قوعامشىلدار, اسىرەسە, الەۋمەتتىك سالادا جۇمىس ىستەۋشىلەر ءوز ءبىلىمىن ۇنەمى جاڭارتىپ وتىرۋى كەرەك. وكىنىشكە قاراي, قازاقستاندا قازىر ۇەۇ ءبىلىم بەرۋ پروبلەماسىنا الاڭدايتىن ۇيىمدار جوق. سوندىقتان, ءبىز بۇل فۋنكتسيانى وزىمىزگە جۇكتەدىك. سونىمەن قاتار, ءبىز قىزمەت سالاسىن مۇقيات زەرتتەپ, ساۋالداما جۇرگىزدىك. ونىڭ قورىتىندىسى بويىنشا قاتىسۋشىلاردىڭ باسىم كوپشىلىگى, ياعني, 84%-ى تەگىن وقۋعا نيەت ءبىلدىردى. سونىمەن قاتار, ءبىز وقۋ باعدارلاماسىنا تەك پايدالى بولاتىن پاندەردى ەنگىزدىك», دەيدى ازاماتتىق باستامالاردى قولداۋ ورتالىعى باسقارماسىنىڭ توراعاسى ليما دياس.
تىڭداۋشىلار ونلاين رەجىمدە تاجىريبەلى سپيكەرلەرمەن جۇمىس ىستەپ, جاڭا جانە پايدالى ءبىلىم مەن داعدىلاردى الىپ, سونىمەن بىرگە, بيزنەس-مودەلدى ازىرلەۋگە دەيىن ءوز يدەيالارىن پىسىقتايدى. جوباعا قازاقستاندىق جانە حالىقارالىق بيزنەس-جاتتىقتىرۋشىلار, كاسىبي كوۋچتەر, بىرەگەي جەكە باعدارلامالاردىڭ اۆتورلارى تارتىلعان.
«وزىمىزگە جەتىسپەگەن باعىتتار بويىنشا ءبىلىم الىپ جاتىرمىز. ءبىلىمدى تەگىن الۋ وتە ماڭىزدى. جاتتىقتىرۋشىلاردىڭ بىزگە بەرگەن اقپاراتتارى قيىندىقسىز يگەرەرلىكتەي تۇسىنىكتى. العان ءبىلىمدى ءوز ۇيىمىما قولدانىپ ءجۇرمىن جانە ءبىزدىڭ جۇمىسىمىزدىڭ تيىمدىلىگىن ارتتىرۋ ءۇشىن نەنى جاقسارتۋعا بولاتىنىن تالداپ كوردىم», دەيدى «بەرەكە» قوعامدىق قورى تاراپىنان قاتىسۋشى گالينا شەەنكو.
جىل سوڭىنا دەيىن اكادەميا-
دا ۇەۇ-نىڭ 800 وكىلى ءبىلىم الماق. ەسكە سالا كەتەيىك, ءبىلىم بەرۋ باعدارلاماسىنان باسقا, ماۋسىم ايىنىڭ باسىندا ۇكىمەتتىك ەمەس ۇيىمدار وكىلدەرىنە ارنالعان الەۋمەتتىك كاسىپكەرلىك ونلاين-مەكتەبى دە ىسكە قوسىلدى, ول قازاق جانە ورىس تىلدەرىندە ءۇش كەزەڭدە وتەدى. ءبىرىنشى كەزەڭ قالىپتاسىپ, ونىڭ تىڭداۋشىلارى وقۋدان وتۋدە, ال ەكىنشى جانە ءۇشىنشى كەزەڭ ءوز جۇمىسىن شىلدە جانە تامىز ايلارىندا باستايدى, وعان قابىلداۋ ءالى دە جۇرگىزىلۋدە.
وقۋدىڭ ەكىنشى لەگى 28 ماۋسىمدا (قازاق تىلىندە), ءۇشىنشىسى 19 شىلدەدە (ورىس تىلىندە) باستالادى, سوندىقتان, قازاقستاندىق ۇەۇ وكىلدەرىنىڭ وقۋعا تىركەلۋ مۇمكىندىگى بار. جالپى, جوبانىڭ بارلىق كەزەڭىندە 160 ۇەۇ وكىلىن وقىتۋ جوسپارلانۋدا.
«ەگەمەن-اقپارات»
