ايدا بالاەۆا: مەديا – ۇلتتىق قاۋىپسىزدىك پەن يدەولوگيانىڭ دا وزەگى

قۇرمەتتى ارىپتەستەر, بار­شا­ڭىزدى كاسىبي مەرەكەلەرى­ڭى­ز­­بەن شىن جۇرەكتەن قۇتتىق­تايمىن!

بۇل – تەك قالام ۇستاعان جۋر­ناليستەردىڭ عانا ەمەس, اقپارات سالاسىندا جۇرگەن بارلىق قىز­مەتكەرگە ورتاق مەيرام.

بۇقارالىق اقپارات قۇ­رال­دارى – مەملەكەتتىك ساياسات­تاعى ما­ڭىزدى باعىتتاردىڭ ءبىرى. سەبە­بى مەديا تەك رەسمي اق­پارات تارا­تۋدىڭ قۇرالى ەمەس. ول – ۇلتتىق قا­ۋىپسىزدىك پەن يدەو­لو­گيانىڭ دا وزەگى. مەملەكەت ساياساتىن تۇ­سىن­­دىرۋدە حالىق پەن بيلىك ارا­سىن جالعايتىن التىن كوپىر. سون­­دىقتان جۋرناليستەردىڭ قو­عام ال­دىنداعى ازاماتتىق جانە الەۋ­مەت­تىك جاۋاپكەرشىلىگى وتە جوعارى.

تاۋەلسىزدىكتىڭ 30 جىلى ىشىن­­دە ۇلتتىق مەديا ەلىمىزبەن بىر­گە جاڭارۋ مەن دامۋدىڭ بيىك بە­لەستەرىنەن ءوتتى. اقپارات سالاسىنىڭ مەملەكەتتىك باسقارۋ پروتسەسىنە ىقپالى ارتىپ كەلەدى. باسپاسوزدە ساۋاتتى كوتەرىلگەن ماسەلەلەر مەملەكەتتىك قىزمەت ساپاسىن جەتىلدىرۋگە سەپتىگىن تيگىزىپ ءجۇر. پرەزيدەنتىمىزدىڭ «حا­لىق ۇنىنە قۇلاق اساتىن مەملەكەت» تۇجىرىمداماسىنىڭ نا­تي­جەلى ىسكە اسۋىندا دا جۋرنا­ليستەردىڭ ۇلەسى زور.

ءاربىر ءجۋرناليستىڭ بۇگىنگى كۇندەلىكتى ەڭبەگى ارقىلى مەملە­­كەتىمىزدىڭ ەرتەڭگى تاريحى جا­زى­لىپ جاتىر. سوندىقتان اقپارات سالاسىن جاڭا دەڭگەيگە كوتەرىپ, بيىك تال­عامدى قوعام قالىپ­تاس­تىرۋداعى ەڭبەكتەرىڭىز جانا بەرسىن!

دەندەرىڭىزگە ساۋلىق, وتباسى­لارىڭىزعا اماندىق, شىعار­ما­شىلىق شالقار شابىت پەن تولايىم تابىس تىلەيمىن!

ايدا بالاەۆا,
اقپارات جانە قوعامدىق دامۋ ءمينيسترى