26 ماۋسىمدا ەلدە قاشىقتان جۇمىس ىستەۋ رەجيمى, كوشەدە بەت پەردەنى كيۋ مىندەتى الىندى. سونداي-اق ازاماتتار ءوزىنىڭ ەكپە سالدىرعاندىعىن راستايتىن كۋالىكتى, COVID-19 ينفەكتسياسىنان ساۋىعىپ شىقاندىعى تۋرالى نەمەسە پتر تەستتىڭ تەرىس ناتيجەسى بار انىقتامانى ۇسىنعان جاعدايدا, مەيرامحانالارعا كەلۋشىلەردىڭ جانە جاپپاي ءىس-شارالارعا قاتىسۋشىلاردىڭ سانىنا قويىلعان شەكتەۋلەر الىنىپ تاستالماق.
شەنگەن ايماعىنداعى باسقا ەلدەردىڭ ازاماتتارى شۆەيتسارياعا كەلگەننەن كەيىن ەندى كارانتينگە جاتۋعا مىندەتتى ەمەس. بىراق ءۇندىستاننان, ۇلىبريتانيادان جانە كوروناۆيرۋستىڭ جاڭا نۇسقالارى قارقىندى تارالىپ جاتقان ەلدەردەن كەلەتىن ازاماتتار ءۇشىن شەكتەۋلەر كۇشىن جويعان جوق.
