وزگەرىستەر ءماسليحاتتاردىڭ قىزمەتىنە دە قاتىستى بولماق. سەسسيا توراعاسىنىڭ لاۋازىمى جويىلادى. ال ءماسليحات شەشىمدەرىن ەندى ادىلەت ورگاندارىندا تىركەۋدىڭ قاجەتى بولمايدى. زاڭدا جازىلعان تاعى ءبىر جاڭالىق – ەلدى مەكەندەر مارتەبەسىنىڭ وزگەرۋىنە قاتىستى. ەگەر قالا 5 جىل, ال اۋىل 3 جىل بويىنا سول تالاپقا ساي كەلمەسە, ونى ولاي اتامايتىن بولامىز.
«قابىلدانعان زاڭ جەرگىلىكتى ماڭىزى بار مىندەتتەردى ءتيىمدى تۇردە شەشۋ ءۇشىن اۋىلدىق, اۋداندىق جانە قالالىق دەڭگەيدەگى بيلىككە جاڭا مۇمكىندىكتەر بەرەدى. ونىڭ ىشىندە بيىل جاڭادان سايلانعان ءماسليحات دەپۋتاتتارىنىڭ قۇقىقتارىن كەڭەيتەدى جانە ءماسليحاتتاردىڭ جۇمىسىن جەتىلدىرەدى. الداعى ۋاقىتتا وسى وزگەرىستەر وڭىرلەردىڭ دامۋىنا تىڭ سەرپىن بەرەدى دەپ سەنەمىز», دەدى سەنات توراعاسى ماۋلەن اشىمباەۆ.
