قوعام • 24 ماۋسىم، 2021

ەكونوميكا ءمينيسترى جاقىن ارادا تازا قازاقشا سويلەۋگە ۋادە بەردى

27 رەت كورسەتىلدى

ۇلتتىق ەكونوميكا ءمينيسترى اسەت ەرعاليەۆ وكق-دا ءوتىپ جاتقان بريفينگتە قازاق ءتىلىن قالاي ۇيرەنىپ جاتقانىن ايتتى، دەپ حابارلايدى Egemen.kz.

«قازاق ءتىلىن ۇيرەنۋگە كۇنىنە 1،5 ساعات ۋاقىت جۇمسايمىن. جاقىن ارادا تازا قازاقشا سويلەۋگە ۋادە بەرەمىن. ۇلتتىق ەكونوميكا مينيسترلىگىندە ماعان قازاق ءتىلىن ۇيرەتەتىن قىزمەتكەر بار»، دەدى ەڭ جاس مينيستر.

ەسكە سالا كەتەيىك، 18 قاڭتاردا مەملەكەت باسشىسىنىڭ جارلىعىمەن ۇلتتىق ەكونوميكا ءمينيسترى بولىپ اسەت ەرعاليەۆ تاعايىندالدى. اسەت ەرعاليەۆ - ۇكىمەت مۇشەلەرىنىڭ اراسىنداعى ەڭ جاسى. ول 34 جاسىندا مينيستر بولدى.

3 اقپاندا ۆەدومستۆو باسشىسى رەتىندە ءماجىلىس وتىرىسىنا العاش رەت قاتىسقان ۇلتتىق ەكونوميكا ءمينيسترى اسەت ەرعاليەۆ قازاقشا سۇراققا ورىسشا جاۋاپ بەرگەنى ءۇشىن دەپۋتاتتان سوز ەستىدى.

ء«سىز بۇگىن العاش رەت ماجىلىسكە كەلىپ تۇرسىز. بىراق قازاقشا قويىلعان سۇراقتاردىڭ بارلىعىنا ەش رۇقسات سۇراماستان ورىس تىلىندە جاۋاپ بەرۋگە كوشتىڭىز. 18 ميلليون ادامنىڭ ىشىنەن مينيستر بولۋعا جاراعان ەكەنسىز، جاسىڭىز دا تاۋەلسىزدىكپەن شامالاس. بىراق ءوز انا تىلىڭىزدە جاۋاپ بەرمەگەنىڭىز ۇيات دەپ سانايمىن. سوندىقتان كەلەسى وتىرىستا قازاق تىلىندە، انا تىلىندە قويىلعان سۇراققا سول تىلدە جاۋاپ بەرىڭىز»، دەپ ەسكەرتۋ جاسادى بەرىك دۇيسەنبينوۆ.

 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار