ايماقتار • 24 ماۋسىم، 2021

ۆاكتسينا سالدىرعان ەلوردالىقتار 2 بولمەلى پاتەر الۋى مۇمكىن

17 رەت كورسەتىلدى

ەلوردا تۇرعىندارى ۆاكتسينا الۋ ارقىلى 2 بولمەلى پاتەر ۇتىپ الۋى مۇمكىن. مۇنداي جاڭالىقپەن نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا ءبولىستى، دەپ حابارلايدى Egemen.kz.

«كوروناۆيرۋستىڭ تارالۋىن بولدىرماۋ جانە ۆاكتسيناتسيا جۇرگىزۋ بويىنشا شتاب وتىرىسىن وتكىزدىم. ءوز ورىنباسارلارىما، باسقارما باسشىلارىنا جانە اۋدان اكىمدەرىنە جەتەكشىلىك ەتەتىن سالالاردا ۆاكتسيناتسيالاۋدىڭ ماڭىزدىلىعى مەن قاجەتتىلىگىن جوعارى دەڭگەيدە ءتۇسىندىرۋ ءۇشىن جەكەلەگەن جاۋاپكەرشىلىك جۇكتەلدى. ۇجىمدىق يممۋنيتەتتى قالىپتاستىرۋ ءۇشىن قالا حالقىنىڭ 60 پايىزدان استامى ۆاكتسيناتسيالانۋى قاجەت. سانيتارلىق دارىگەرلەر كارانتيندىك قوسىمشا شەكتەۋلەر تۋرالى جاڭا قاۋلى دايىنداۋدا: قاۋىپ-قاتەر توبى ءۇشىن ۆاكتسيناتسيا مىندەتتى، ۆاكتسيناتسيالانباعان قىزمەتكەرلەردى قاشىقتان جۇمىس ىستەۋ رەجيمىنە كوشىرۋ جانە تاعى باسقا تالاپ ەتىلەدى. قالا تۇرعىندارىن ىنتالاندىرۋ ءۇشىن باعالى سىيلىقتاردىڭ ۇتىس ويىنىن ەنگىزىپ جاتىرمىز. ال جاڭادان ۆاكتسيناتسيالانعاندار اراسىندا ەكى بولمەلى پاتەر ويناتپاقپىز (ينۆەستورلار ەسەبىنەن). ۇتىس ويىنىنا قالا ەمحانالارىندا نەمەسە ءسوو/سۇ پۋنكتتەرىندە ەكپە العان قالا تۇرعىندارىنىڭ ءبارى قاتىسا الادى»، دەدى قالا باسشىسى.

ونىڭ ايتۋىنشا، پاتەر ۇتىسىنىڭ ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن الاتىن 18 جاستان اسقان قالا تۇرعىندارى قاتىسا الادى. قىركۇيەك ايىنىڭ باسىندا ناتيجەسى جاريالانادى.

«كونكۋرستىڭ ءادىل ءوتۋى جانە ۆاكتسيناتسيالانعانداردى تولىعىمەن قامتۋ ءۇشىن (كورسەتىلگەن كەزەڭدە) IT-قوعامداستىقتى جۇمىلدىرامىز. ايتا كەتەيىن، بۇعان دەيىن «MEGA Silk Way» سوو ۆاكتسينالانعاندار اراسىندا اۆتوكولىك ۇتىس ويىنى وتەتىنىن حابارلاعان. سول سياقتى ءسوو/سۇ پۋنكتتەرىندە ۆاكتسيناتسيالانعاندار اراسىندا كومپيۋتەرلىك جانە تۇرمىستىق تەحنيكالاردىڭ، iPhone سمارتفونىنىڭ ۇتىس ويىندارى ويناتىلادى. سوڭعى كۇندەرى تۇرعىنداردىڭ ۆاكتسينا الۋداعى بەلسەندىلىگى قۋانتادى. قالا تۇرعىندارى وسىلايشا ءوز دەنساۋلىعىنا جاۋاپكەرشىلىكپەن قاراي باستادى ءارى «دەلتا» شتاممىنىڭ قاۋپىن ءتۇسىندى. ۆاكتسيناتسيا – پاندەميامەن كۇرەستەگى جالعىز، ءتيىمدى ءادىس!»، دەدى التاي كولگىنوۆ.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار