قازاقستان • 23 ماۋسىم، 2021

اسقار مامين ينۆەستيتسيالىق شتاب وتىرىسىن وتكىزدى

17 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ينۆەستيتسيالىق شتاب وتىرىسىندا 2021 جىلعى قاڭتار-مامىرداعى ينۆەستيتسيالاردى تارتۋ بويىنشا اتقارىلعان جۇمىستىڭ قورىتىندى كورسەتكىشتەرى قارالدى، دەپ حابارلايدى Egemen.kz.

ۇلتتىق ەكونوميكا ءمينيسترى اسەت ەرعاليەۆ وسى جىلدىڭ 5 ايىندا تاۋ-كەن ءوندىرىسى ونەركاسىبىن قوسپاعاندا، نەگىزگى كاپيتالعا سالىنعان ينۆەستيتسيالار كولەمى 25،5% دەڭگەيىندە وسكەنىن ايتتى.

مينيستر بيىلعى 5 ايدىڭ ناتيجەلەرى بويىنشا قر ەكونوميكاسىنىڭ قالپىنا كەلۋ تراەكتورياسىنا شىعۋى اياسىندا نەگىزگى كاپيتالعا سالىنعان ينۆەستيتسيالار اعىنىنىڭ جوعارى قارقىنى قۇرىلىس (+132%)، وڭدەۋ ونەركاسىبى (+82%)، اقپارات جانە بايلانىس (+55%)، اۋىل شارۋاشىلىعى (+47%)، ساۋدا (+49%)، جىلجىمايتىن م ۇلىك وپەراتسيالارى (+30%)، كولىك جانە قويمالاۋ (+20%) سەكىلدى سالالاردا بايقالعانىن اتاپ ءوتتى.

وڭدەۋ سەكتورىنىڭ قۇرىلىمىندا حيميا ونەركاسىبىنە ينۆەستيتسيالاردىڭ ءوسۋى 130 ملرد تەڭگەنى (+427%)، مەتاللۋرگياعا 50 ملرد تەڭگەنى (+41%) جانە ت. ب. قۇرادى.

نەگىزگى كاپيتالعا سالىنعان ينۆەستيتسيالار بويىنشا وڭ ءوسىم قارقىنىنا 15 وڭىردە جانە رەسپۋبليكالىق ماڭىزى بار قالالاردا قول جەتكىزىلدى. كوش باستاپ تۇرعان وڭىرلەر تۇركىستان (+39،1%) جانە پاۆلودار (+38،5%) وبلىستارى، الماتى (+36،1%)، نۇر-سۇلتان (+34،8%) جانە شىمكەنت (+25،6%) قالالارى، سولتۇستىك قازاقستان (+24،6%)، جامبىل (+24،3%) جانە قاراعاندى (+21،6%) وبلىستارى بولدى. ارتتا قالۋشىلىق باتىس قازاقستان (-36،4%) جانە اتىراۋ (-35%) وبلىستارىندا بايقالادى.

«Kazakh Invest» ۇك» اق باسقارما توراعاسى مەيىرجان يۋسۋپوۆ قازىرگى تاڭدا «Task Force» $9 ملرد استام سوماعا 36 جوبانى پىسىقتاپ جاتقانىن ايتتى. قوسىمشا 15 جوبا قاراستىرىلىپ جاتىر.

اتىراۋ وبلىسىنىڭ اكىمى ماحامبەت دوسمۇحامبەتوۆ 2021-2025 جىلدارعا اكىمدىك اوك، جاڭارتىلاتىن ەنەرگەتيكا، فارماتسەۆتيكا، مۇناي-گاز حيمياسى ونەركاسىبى، تۋريزم، ءبىلىم بەرۋ جانە ت. ب. سالالاردا 12 مىڭنان استام جۇمىس ورنىن قۇرا وتىرىپ، جالپى سوماسى 10،1 ترلن تەڭگە بولاتىن 110 ينۆەستيتسيالىق جوبادان تۇراتىن پۋل قالىپتاستىرعانىن باياندادى. بيىل وڭىردە ينۆەستيتسيالىق جوبالاردى ىسكە اسىرۋعا 3،8 ترلن تەڭگە ينۆەستيتسيا تارتۋ جوسپارلانعان. وسى جىلدىڭ 5 ايىندا نەگىزگى كاپيتالعا سالىنعان ينۆەستيتسيالار كولەمى 1 ترلن تەڭگەنى قۇرادى.

قىزىلوردا وبلىسىنىڭ اكىمى گۇلشارا ابدىقالىقوۆا الداعى 5 جىلعا اكىمدىك اوك، كولىك، جاڭارتىلاتىن ەنەرگەتيكا، جەڭىل ونەركاسىپ، تسيفرلاندىرۋ، دەنساۋلىق ساقتاۋ، تمك جانە ت. ب. سالالاردا 889 ملرد تەڭگە سوماسىنا 177 جوبادان تۇراتىن پۋل قالىپتاستىرعانىن اتاپ ءوتتى. قازىرگى ۋاقىتتا جالپى قۇنى 476 ملرد تەڭگە بولاتىن 132 جوبا ىسكە اسىرىلۋدا. وسى جىلدىڭ سوڭىنا دەيىن جالپى قۇنى 56 ملرد تەڭگە بولاتىن، ءوڭىردىڭ 10 نەگىزگى ينۆەستيتسيالىق جوباسىنىڭ 6-ىن پايدالانۋعا بەرۋ جوسپارلانعان، اتاپ ايتساق – شىنى زاۋىتى، اس تۇزىن ءوندىرۋ، قۇس فابريكاسى، جوڭىشقا ءوسىرۋ، تۇيە سۇتىنەن قۇرعاق ۇنتاق ءوندىرۋ، كۇن ەلەكتر ستانتسياسى (وسى جىلعى ناۋرىز ايىندا پايدالانۋعا بەرىلدى).

ۇكىمەت باسشىسى بارلىق مەملەكەتتىك ورگانعا، وڭىرلەردىڭ اكىمدىكتەرىنە جانە كۆازيمەملەكەتتىك سەكتور سۋبەكتىلەرىنە ىشكى جانە سىرتقى ينۆەستيتسيالاردى تارتۋ جۇمىسىن جۇيەلى نەگىزدە جالعاستىرۋدى تاپسىردى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

اسكەري دارىگەرلەر كومەككە كەلدى

كوروناۆيرۋس • بۇگىن، 08:28

دايارلىقتارىن جەتىلدىردى

قوعام • بۇگىن، 08:21

«وردالى وتىز ءىس»

تاۋەلسىزدىكتىڭ 30 جىلدىعى • بۇگىن، 08:17

ۇقساس جاڭالىقتار