«بۇل اۋرۋحاناعا جاتقىزۋ مەن ءولىمنىڭ جوعارى ىقتيمالدىعىن تۋدىرادى. سونىمەن قاتار ول باسقا شتامدارعا قاراعاندا 60% جۇقپالى: ورتا ەسەپپەن ءبىر ادامنان 5-6 ادام ىندەتتى جۇقتىرادى. ءوزىڭىزدى قورعاۋدىڭ جانە اۋرۋدىڭ قاۋپىن ازايتۋدىڭ قاراپايىم ءادىسى بار – ول كوروناۆيرۋسقا قارسى ەگىلۋ. سوندىقتان ءاربىر قازاقستاندىققا ءوز دەنساۋلىعىنا, جاقىندارى مەن تۋىستارىنىڭ دەنساۋلىعىنا قامقور بولۋعا جانە قىسقا مەرزىمدە COVID-19-عا قارسى ۆاكتسينا سالدىرۋدى تاعى دا ۇسىنامىن! بۇگىنگى تاڭدا مەديتسينالىق ۇيىمدارداعى ۆاكتسينالار قورى جەتكىلىكتى», دەدى ۆيتسە-پرەمەر.
ول سونداي-اق اقپان ايىنان باستاپ ەلگە 7 ميلليونعا جۋىق ۆاكتسينا جەتكىزىلگەنىن حابارلادى. بۇگىنگى تاڭدا 4,6 ملن دوزا ەكپە جاسالدى, ونىڭ ىشىندە 2,8 ملن ادام 1-كومپونەنتپەن ەگىلدى, بۇل ۆاكتسيناتسيالاۋعا جاتاتىن حالىقتىڭ 28%-ى. ال 1,7 ملن ادام ۆاكتسينانىڭ ەكىنشى كومپونەنتىن الدى.
وڭىرلەردە 2,4 ملن-نان استام ۆاكتسينا دوزاسى بار. قوسىمشا جەتكىزۋ كەستەگە سايكەس جۇزەگە اسىرىلاتىن بولادى.
