وقيعا • 23 ماۋسىم، 2021

جەزقازعان تۇرعىنى جەكە ۋچاسكەسىندە قاراسورانىڭ 110 بۇتاسىن زاڭسىز وسىرگەن

21 رەت كورسەتىلدى

جەزقازعان تۇرعىنىنان قارا سورانىڭ 110 بۇتاسى تاركىلەندى، دەپ حابارلايدى Egemen.kz.

جەزقازعان قالاسىنىڭ پب ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرىنە قالا تۇرعىنى قۇرامىندا ەسىرتكى بار وسىمدىكتەردى زاڭسىز وسىرۋمەن اينالىسادى دەگەن اقپارات ءتۇستى. 

2021 جىلدىڭ 17 ماۋسىمىندا پوليتسيا «قاراسورا-2021» جەدەل-ىزدەستىرۋ ءىس-شارالارىن جۇرگىزۋ كەزىندە 49 جاستاعى ەر ادامدى انىقتاپ، ۇستادى. ول ءوزىنىڭ جەكە ۋچاسكەسىندە قارا سورانىڭ 110 بۇتاسىن زاڭسىز وسىرۋمەن اينالىسقان بولىپ شىقتى. سونىمەن قاتار ۇستالۋشىدان «اپيىن» ەسىرتكى زاتى بار ءتۇرلى كولەمدەگى پلاستيكالىق بوتەلكەلەر الىندى. كۇدىكتىنىڭ ايتۋىنشا، ول وسىمدىكتەردى ءوزىنىڭ قاجەتتىلىگى ءۇشىن وسىرگەن. 

اتالعان فاكتى بويىنشا قر قىلمىستىق كودەكسىنىڭ 300-بابى (وسىرۋگە تىيىم سالىنعان قۇرامىندا ەسىرتكى زاتتارى بار وسىمدىكتەردى زاڭسىز ءوسىرۋ) بويىنشا سوتقا دەيىنگى تەرگەۋ باستالدى. قازىرگى ۋاقىتتا تەرگەۋ امالدارى جۇرگىزىلىپ جاتىر. 

 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار