ۆاكتسينانى ەلوردانىڭ ءتۇرلى ۇيىمدارىنىڭ وكىلدەرى, ال نەگىزىنەن قالالىق ۆولونتەرلەر شتابىنىڭ ەرىكتىلەرى الدى. كوبىنەسە بۇل — الەۋمەتتىك قىزمەتپەن ۇنەمى اينالىساتىن 18-29 جاس ارالىعىنداعى جاستار. ولاردىڭ اراسىندا ازىق-ت ۇلىك سەبەتتەرىن تاسىمالداۋ, جاعدايى تومەن جاندارعا اتاۋلى كومەك كورسەتۋ, ەكولوگيالىق اكتسيالار وتكىزۋ, «بىرگەمىز قازاقستان» جوبالارىنا قاتىسۋ, مۇمكىندىگى شەكتەۋلى جاندارعا, كوپبالالى انالارعا, جالعىز باستى قارتتارعا كومەك كورسەتۋ.
«ايتا كەتۋ كەرەك, قالالىق ۆولونتەرلىك ۇيىمدارعا قاتىسۋشىلاردىڭ كوپشىلىگى كوروناۆيرۋسقا قارسى ۆاكتسينا الدى. ۆاكتسينا ەڭ الدىمەن ۆولونتەرلەرگە قاجەت. ولار حالىقپەن ۇنەمى بايلانىستا بولادى. بۇگىندە ەلوردادا جالپى العاندا 60 مىڭنان استام ادام ۆولونتەرلىك قىزمەتپەن اينالىسادى. بۇل قالا جاستارىنىڭ ۇشتەن ءبىرى – قوعامدىق قورلار, باستاماشىل توپتار, زاڭگەرلەر, پەداگوگتەر, ىزدەۋشىلەر, جانۋارلاردى قورعاۋشىلار جانە ت.ب. ءبىز ساۋال جولداعاندا ولاردىڭ كوبى ۆاكتسيناتسيالانعانى انىقتالدى. ءبىز ارىپتەستەرىمىزدىڭ ءبارىن ۆاكتسينا الۋعا ۇگىتتەيمىز. ۆاكتسينانى ءالى الماعان ەرىكتىلەرگە ءوزىمىزدى مىسال ەتەمىز. بۇل ەڭ ءبىرىنشى كەزەكتە ولاردىڭ قاۋىپسىزدىگى, ءوز دەنساۋلىعىن جانە وزگەلەردىڭ دەنساۋلىعىن قورعاۋ ءۇشىن قاجەت», دەدى قالالىق ەرىكتىلەر شتابىنىڭ جەتەكشىسى شىڭعىس تىلەۋلين.
ەرىكتىلەر حالىقتى ۆاكتسيناتسيالاۋ — پاندەميانى ەڭسەرۋدىڭ جانە قالىپتى جاعدايعا ورالۋدىڭ بىردەن-ءبىر ءتيىمدى ءتاسىلى ەكەنىنە سەنىمدى. سول سياقتى كۆي-گە قارسى ۆاكتسينا الۋ ارقىلى ءوز دەنساۋلىعىن عانا ەمەس وزگەلەرىن دە قاۋىپتەن قورعايدى دەگەن ويدا.
«مەن قالالىق شتابتىڭ ەرىكتىسىمىن, جالعىزباستى انالارعا, قارتتارعا, سونداي-اق اتا-اناسىنىڭ قامقورلىعىنسىز قالعان بالالارعا ءجيى بارامىن. بۇگىن ءوزىمدى جانە اينالامداعى ادامداردى قورعاۋ ءۇشىن ۆاكتسينا الدىم», دەيدى ادەليا بەكارىستانوۆا.
