22 ماۋسىمنان باستاپ رەسەي تۇركيامەن اۋە قاتىناسىن اشادى. وسى ايدىڭ باسىندا ەل بيلىگى مىسىرعا تىكەلەي رەيستەردى قايتا باستاۋعا نيەت ءبىلدىردى. تۋريستىك سالا ساراپشىلارى بۇل جاعدايلار تۇركيا مەن مىسىرعا جاسالاتىن تۋرلاردىڭ قۇنىنا قازاقستاندىقتار ءۇشىن اسەر ەتە مە دەگەن پىكىرىمەن ءبولىستى.
قازاقستاننىڭ تۋروپەراتورلار قاۋىمداستىعىنىڭ پرەزيدەنتى يننا رەي تۋريستەردىڭ جاڭا كوزى پايدا بولعاندىقتان, تۇركياعا تۋرلاردىڭ باعاسى قازىر 30 پايىزعا كوتەرىلەتىنىن ايتتى.
ء«ار ەلدەگى قىزمەتتەردىڭ قۇنى نارىقتاعى جاعدايعا بايلانىستى بولادى: تومەن باعالار كەزەڭى, جوعارى باعالار كەزەڭى بولادى. بۇل باعىتتىڭ قانشالىقتى قولجەتىمدى جانە تارتىمدى بولۋىنا بايلانىستى. تۋريستىك سالاداعى ارىپتەستەر باعالار 30 پايىزعا كوتەرىلەدى دەيدى. بۇل رەسەيلىك نارىقتىڭ اشىلۋىنا بايلانىستى بولادى. تۋرلار تۋريستىك ماۋسىمنىڭ سوڭىندا عانا ارزان بولادى. مىسىردا باعانىڭ كوتەرىلۋىنە قاتىستى ايتار بولسام, مۇنداي وزگەرىس كۇتىلمەيدى. بۇل ماسەلە قازىر دوللار باعامىنىڭ وزگەرۋىنە بايلانىستى», دەدى يننا رەي.
نۇر-سۇلتان قالاسىنداعى تۋريستىك اگەنتتىكتىڭ ديرەكتورى اننا وبيدنيك قوناقۇيلەردىڭ باعاسىن كوتەرىلە باستاعانى تۋرالى اقپاراتپەن ءبولىستى.
«مىسالى, بەلەك قالاسىنداعى تانىمال قوناقۇيلەردىڭ بىرىندە دەمالىس كۇندەرى تۋردىڭ قۇنى 300 ەۋروعا كوتەرىلدى. بۇل تۇركيانىڭ باسقا قوناقۇيلەرىنە دە اسەر ەتۋى مۇمكىن. مىسىردا قازىر باعالار تۇراقتى, بىراق ءبارى وزگەرۋى مۇمكىن. مىسالى, مىسىردىڭ مەرسا-ماترۋح كۋرورتىندا باعانىڭ ءوسۋى مۇمكىن. بۇل جاڭا باعىتقا سۇرانىستىڭ ارتۋىنا بايلانىستى», دەدى ول.
