1992 جىلى 23 ماۋسىمدا قازاقستان رەسپۋبليكاسى جوعارعى كەڭەسى «قازاقستان رەسپۋبليكاسى ىشكى ىستەر ورگاندارى تۋرالى» زاڭدى قابىلداعان بولاتىن.
بۇل تاۋەلسىز قازاقستان رەسپۋبليكاسى پوليتسياسىنىڭ قىزمەتى مەن مىندەتىن انىقتايتىن العاشقى قۇقىقتىق اكت بولدى.
ال 2007 جىلى 5 ماۋسىم كۇنى مەملەكەت باسشىسى نۇرسۇلتان نازارباەۆ ءوز جارلىعىمەن 23 ماۋسىمدى پوليتسيا كۇنى دەپ بەكىتتى.
قازاقستان پوليتسياسى – قوعامداعى قۇقىقتىق ءتارتىپتى, ازاماتتاردىڭ قاۋىپسىزدىگىن قامتاماسىز ەتەتىن ەلىمىزدەگى اسا ماڭىزدى قۇرىلىمداردىڭ ءبىرى. پوليتسەيلەردىڭ كاسىبي بىلىكتىلىگى مەن سەرتىنە بەرىكتىگىنىڭ ارقاسىندا قوعامدا تۇراقتىلىق قالىپتاسىپ, ادامداردىڭ قۇقىق قورعاۋ ورگاندارىنا سەنىمى ارتا بەرەدى.
قازاقستان پوليتسياسى كۇنى - وسى جاۋاپتى قىزمەتتى جولعا قويۋدىڭ باسى-قاسىندا بولعان ارداگەرلەرگە جانە بۇگىندە وسى قاتاردا ەڭبەك ەتىپ جۇرگەندەرگە ريزاشىلىق پەن العىس سەزىمىن ءبىلدىرۋ كۇنى.
سونىمەن قاتار بۇل كۇن بەيبىت ۋاقىتتا قازاقستاندىقتاردىڭ تىنىشتىعى مەن قاۋىپسىزدىگى ءۇشىن ءوز ءومىرىن قۇربان ەتكەندەرگە قۇرمەت كورسەتۋ كۇنى سانالادى.
وسىعان وراي جىل سايىن 23 ماۋسىمدا بەيبىت كۇندە قازاقستاندىقتاردىڭ تىنىشتىعى مەن قاۋىپسىزدىگىن قامتاماسىز ەتەتىن پوليتسەيلەر كۇنى اتاپ وتىلەدى.
