ونىڭ ايتۋىنشا, قازاقستانداعى سانيتارلىق-ەپيدەميولوگيالىق جاعداي تۇراقتى, الايدا نۇر-سۇلتاندا ءۇندى شتامى تابىلدى دەگەن كۇدىك بار.
«ۆيرۋستىڭ رەپرودۋكتيۆتى يندەكسى 1-گە تەڭ, بىراق ءبىز الەمدە جانە شەكارالاس ەلدەردە جاعدايدىڭ قانداي ەكەنىن كورىپ وتىرمىز. ياعني, كوروناۆيرۋستىڭ جاڭا شتامدارى تەز تارايدى. نۇر-سۇلتاندا سكرينينگ جۇرگىزىلدى, سوندىقتان مۇندا الەكسەي تسوي دەلتا-شتامم ء(ۇندى شتامى) بارىن ايتتى. وسىعان بايلانىستى ءوڭىر اكىمدەرى احۋالدى باقىلاۋعا الۋى ءتيىس. بۇگىنگى تاڭدا ۆاك وتىرىس وتكىزىپ, نۇر-سۇلتان قالاسىندا جانە باسقا دا وڭىرلەردە سانيتارلىق-ەپيدەميولوگيالىق تالاپتاردى كۇشەيتۋ جونىندەگى شارالاردى قارايدى», دەدى توعجانوۆ ۇكىمەت وتىرىسىندا.
ول ادامدار كوپ جينالاتىن جەرلەردە قاشىقتىق ساقتالۋى كەرەك ەكەنىن دە ايتتى.
«ادامدار جەكە قورعانىس قۇرالدارىن قولدانۋى كەرەك, سونىمەن قاتار بارلىق ايماقتا مونيتورينگتىك توپتاردىڭ جۇمىسىن كۇشەيتۋ قاجەت, ال قوعامدىق ورىندارعا كەلگەندەر قورعانىس شارالارىن قاتاڭ ساقتاۋى ءتيىس. سونداي-اق Ashyq قوسىمشاسى بويىنشا وتىڭىزدەر. ءوڭىر اكىمدەرى, بارلىق مەملەكەتتىك ورگان وسى جاعدايدى باقىلاۋى ءتيىس», دەدى توعجانوۆ.
