تالقىلاۋدىڭ نەگىزگى تاقىرىپتارى: بۇۇ-نىڭ تۇراقتى دامۋ ماقساتتارىنا ءارتۇرلى دەڭگەيدە (تدم) قول جەتكىزۋ, سونداي-اق جاڭا سىن-تەگەۋرىندەر مەن قاۋىپ-قاتەرلەرگە, اتاپ ايتقاندا تدم شەڭبەرىندەگى ەكولوگياعا بايلانىستى جاستاردىڭ تاجىريبەسى مەن ءرولى.
وتىرىسقا قازاقستان رەسپۋبليكاسىنىڭ اقپارات جانە قوعامدىق دامۋ ۆيتسە-ءمينيسترى اسحات ورالوۆ توراعالىق ەتتى. سونداي-اق ءىس-شاراعا قاتىسۋشىلارعا اوسشك حاتشىلىعىنىڭ اتقارۋشى ديرەكتورى قايرات سارىباي بەينەجولداۋ جاسادى.
ءوز سوزىندە اسحات ورالوۆ پرەزيدەنت قاسىم-جومارت توقاەۆتىڭ بۇۇ-نىڭ 75 جىلدىق مەرەيتويى اياسىندا مەملەكەتتەردى «اعىمداعى سىن-قاتەرلەردى, سونىڭ ىشىندە جاستار ماسەلەلەرى بويىنشا قيىندىقتاردى ەڭسەرۋ ءۇشىن كۇش-جىگەردى شوعىرلاندىرۋعا» شاقىرۋ باستاماسىن اتاپ ءوتتى.
بۇدان باسقا قازاقستان ۆولونتەرلەر ءرولىن مويىنداۋ نىشانى رەتىندە بۇۇ-عا ۆولونتەرلەردى جۇمىلدىرۋدىڭ حالىقارالىق جىلىن جاريالاۋدى ۇسىندى. ءوز كەزەگىندە قازاقستان 2020 جىلى جاريالاعان ۆولونتەر جىلىنىڭ تاجىريبەسىمەن بولىسۋگە دايىن.
سونداي-اق قازاقستان تاۋەلسىزدىگىنىڭ 30 جىلدىعى اياسىندا جانە اوسشك-ءنىڭ 30 جىلدىعى قارساڭىندا بيىل 1 ماۋسىمدا نۇر-سۇلتان قالاسىندا بەيبىتشىلىك جانە كەلىسىم سارايىنىڭ اۋماعىندا اوسشك-گە مۇشە 27 مەملەكەت وكىلىنىڭ قاتىسۋىمەن اوسشك اللەياسىن اشۋدىڭ سالتاناتتى ءراسىمى ءوتتى.
جاھاندىق ەكولوگيالىق پروبلەمالاردىڭ وزەكتىلىگىن نازارعا الا وتىرىپ, جاستار كەڭەسىنىڭ توراعاسى 2021-2022 جىلدارى اوسشك ەلدەرىنىڭ جاستارىن تارتا وتىرىپ, «تازا پلانەتا» بىرلەسكەن ەكولوگيالىق اكتسياسىن وتكىزۋدى ۇسىندى. بۇل اكتسيا ءار ازاماتتىڭ ەكولوگيالىق مادەنيەتىن ارتتىرۋ بويىنشا اوسشك-گە قاتىسۋشى ەلدەردىڭ تۇراقتى دامۋىنىڭ ماڭىزدى نەگىزى بولماق.
وتىرىس قورىتىندىسى بويىنشا ۇسىنىمدار قابىلداندى. وتىرىسقا قاتىسۋشىلار اوسشك-ءنىڭ جاستار ۇيىمدارىمەن ديالوگ پەن ارىپتەستىك قاتىناستارىن جانداندىرۋعا, سونداي-اق جاس مامانداردىڭ الەۋمەتتىك, ەكولوگيالىق جانە مادەني سالالارعا قاتىسۋىن قولداۋعا ۋاعدالاستى.
جالپى, قاتىسۋشى دەلەگاتتار تالقىلانعان ماسەلەلەر اوسشك ەلدەرىندە جاستار ساياساتىن ىلگەرىلەتۋ ءۇشىن ءوزارا قىزىعۋشىلىق تۋدىراتىنىنا سەنىمدى.
اوسشك تۋرالى يدەيانى العاش رەت قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆ 1992 جىلعى 5 قازاندا بۇۇ باس اسسامبلەياسىنىڭ 47-سەسسياسىندا جاريا ەتكەنى بەلگىلى. بۇل باستامانىڭ قوزعاۋشى كۇشى ازيادا بەيبىتشىلىك پەن قاۋىپسىزدىكتى قامتاماسىز ەتۋ بويىنشا ءتيىمدى ءارى قولايلى قۇرىلىم قۇرۋعا ۇمتىلۋ بولدى.
اوسشك جاستار كەڭەسىنىڭ ءۇشىنشى وتىرىسى 2018 جىلى 13-14 ساۋىردە باكۋ قالاسىندا ءوتتى, ونىڭ قورىتىندىسى بويىنشا اوسشك-گە قاتىسۋشى ەلدەر جاستارىنىڭ قاجەتتىلىكتەرىن ەسكەرەتىن ۇسىنىستار ازىرلەندى.
وتىرىس باسىندا قاتىسۋشىلارعا قازاقستاننىڭ مادەني جانە تۋريستىك تانىمال جەرلەرى تۋرالى بەينەروليك كورسەتىلدى.
