قازاقستان • 21 ماۋسىم، 2021

وتكەن جىلى 570 ملرد تەڭگە بيۋدجەت قاراجاتى ءتيىمسىز پايدالانىلعان

14 رەت كورسەتىلدى

2020 جىلى 570 ملرد تەڭگە بيۋدجەت قاراجاتى ءتيىمسىز پايدالانىلعان. بۇل تۋرالى قر پارلامەنتى پالاتالارىنىڭ بىرلەسكەن وتىرىسىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كويتەتىنىڭ ءتورايىمى ناتاليا گودۋنوۆا ايتتى، دەپ حابارلايدى Egemen.kz.

«بيۋدجەتتىڭ اتقارىلۋىنا قاتاڭ تالاپ قويىلعاندىقتان، ازىرگە يگەرۋ بويىنشا جارىس ءجۇرىپ جاتىر. بىراق سانانى ناتيجە الۋعا قاراي قايتا فورماتتاۋ ءالى دە ويداعىداي ىسكە اسىرىلماي وتىر. 2020 جىلى ءبولىنىپ، ءتيىمسىز پايدالانىلعان بيۋدجەت قاراجاتىنىڭ سوماسى 570 ملرد تەڭگەنى قۇرادى. بۇعان رەسپۋبليكالىق بيۋدجەتكە قاراجاتتى قايتارۋ دا، قولما-قول اقشانى باقىلاۋ شوتتارىنداعى قاراجات قالدىقتارى دا كىرەدى. سونداي-اق بارلىق مەملەكەتتىك اۋديت ورگاندارى، سونىڭ ىشىندە داعدارىسقا قارسى رەسۋرستاردىڭ جۇمسالۋى بويىنشا انىقتاعان بۇزۋشىلىقتار دا بار. ناتيجەسىندە بۇل اقشا پاندەميانىڭ سالدارىن جەڭىلدەتۋ ءۇشىن ۋاقىتىندا جۇمىس ىستەمەدى. تەك بۇل عانا ەمەس. سوندىقتان ءبىز وتكەن جىلى اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋ كەزىندە مەملەكەتتىك رەسۋرستاردى ءتيىمسىز پايدالانعانى ءۇشىن لاۋازىمدى ادامداردىڭ جاۋاپتىلىعىن كۇشەيتۋ جونىندەگى باستاعان جۇمىستى جالعاستىرۋ وتە ماڭىزدى دەپ ەسەپتەيمىز»، دەدى ناتاليا گودۋنوۆا.

ونىڭ اتاپ وتۋىنشە، قولدانىستاعى شىعىستاردىڭ ساپاسى جانە ىسكە اسىرۋدان الىناتىن اسەر مانىنە ولاردى سىني تۇرعىدان قايتا قاراۋ قاجەتتىلىگى بۇرىننان ءپىسىپ-جەتىلدى.

«بۇل جونىندە مەملەكەت باسشىسى ءار سوزىندە ايتىپ وتىرادى. بيۋدجەتتىڭ مۇمكىندىكتەرى شەكتەۋلى بولعان كەزدە باسىمدىقتاردى ناقتى ايقىنداپ، دايەكتى تۇردە بەلگىلەۋ قاجەت. بۇل بارلىق جوسپارلانعان مىندەتتەمەلەردىڭ ورىندالۋىنا كەپىلدىك بەرەدى جانە قابىلدانعان شەشىمدەردىڭ ساباقتاستىعىن قامتاماسىز ەتەدى. مەملەكەتتىك جوسپارلاۋدىڭ جاڭا جۇيەسى مەن ۇلتتىق جوبالار بۇعان ىقپال ەتەدى دەپ ۇمىتتەنەمىز»، دەدى ول.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار