ايماقتار • 21 ماۋسىم، 2021

التاي كولگىنوۆ ەلوردا تۇرعىندارىنا ۇندەۋ جاسادى

28 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا كۇنىنە COVID-2019 ينفەكتسياسىنىڭ 250-300 جاعدايى انىقتالاتىنىن ايتا كەلە سانيتارلىق تالاپتارعا جاۋاپكەرشىلىكپەن قاراۋعا شاقىردى. بۇل تۋرالى ەلوردا اكىمدىگىنىڭ رەسمي سايتى حابارلايدى.

«قۇرمەتتى ەلوردا تۇرعىندارى مەن قوناقتارى! ءبىز ءالى دە «قىزىل» ايماقتامىز! كۇندەلىكتى COVID-2019 ينفەكتسياسىنىڭ 250-300 جاعدايى انىقتالادى. ءبىر جاعىنان، بۇل پتر تەستىلەرىنىڭ سانىن كوبەيتۋ ارقىلى، ەكىنشى جاعىنان، وقشاۋلاۋ مەن سانيتارلىق نورمالاردىڭ بۇزىلۋىنان بولىپ وتىر. Ashyq جوباسى ارقىلى كارانتين تالاپتارىنىڭ ورەسكەل بۇزىلعانىن كورىپ وتىرمىز. ءوزىن-ءوزى وقشاۋلاۋى ءتيىس (بايلانىستا بولعان، جۇقتىرعان) ازاماتتار بار، بىراق ولار ادام كوپ جينالاتىن ورىندارعا بارۋىن توقتاتار ەمەس. وسىلايشا، كوروناۆيرۋستىڭ تارالۋىنا اسەر ەتىپ جاتىر. مۇنداي ادامگەرشىلىككە جاتپايتىن بۇزۋشىلىقتاردى توقتاتىپ، جولىن كەسەمىز!

قالا تۇرعىندارىن سىرقاتتانعان ادامداردىڭ ستاتيستيكاسىنا بەي-جاي قاراماۋعا شاقىرامىن. ءاربىر ساننىڭ ارتىندا ءبىر ادامنىڭ ءومىرى، ولاردىڭ وتباسىلارىنىڭ تاعدىرى تۇر!

مەديتسينالىق رۇقساتى جوق جانە ءالى ۆاكتسيناتسيالانباعان ادامدار وتپەن ويناپ جۇرگەنىن بىلمەيدى: ولار ەرتە مە، كەش پە جەڭىلەدى. بۇل رەتتە ءوز دەنساۋلىعىن عانا ەمەس، تۋىستارىنا، جاقىندارىنا جانە قورشاعان ورتاعا قاۋىپ توندىرەدى!

بىلتىر، ياعني جاعداي بۇدان دا اۋىر كەزدە سانيتارلىق نورمالاردى ساقتاۋدان باسقا امالىمىز بولماعان ەدى، ال 2021 جىلدىڭ باسىنان باستاپ ۆاكتسيناتسيا باستالدى! ۆاكتسيناتسيا پۋنكتتەرى مەديتسينالىق مەكەمەلەردە، سونداي-اق قالا تۇرعىندارىنا ىڭعايلى بولۋ ءۇشىن سوو، ءسۇ جانە ادام كوپ جينالاتىن باسقا دا ورىنداردا اشىلدى. ۆاكتسيناتسيا بارىنە تەگىن جۇرگىزىلەدى. ونىڭ بىرنەشە ءتۇرى بار.

كورشىلەس ەلدەردە كوروناۆيرۋستىڭ تارالۋى كۇشەيىپ جاتقانىن بىلەمىز. شتاممداردىڭ جاڭا تۇرلەرى پايدا بولادى. وزگە ەلدەردە كارانتيندىك قوسىمشا شەكتەۋلەر ەنگىزىلىپ، جاڭا ينفەكتسيالىق ستاتسيونارلار اشىلىپ جاتىر.

كوروناۆيرۋستىڭ ەڭ اۋىر كەزەڭىندە ەلوردادا ءتورت مىڭنان استام توسەك-ورىن اشتىق. ينفەكتسيالىق ستاتسيونارلاردا نون-ستوپ رەجيمىندە سەگىز مىڭنان استام مەديتسينا قىزمەتكەرى جۇمىس ىستەدى.

قازىرگى ۋاقىتتا ءبىزدىڭ ستاتسيونارلاردا 1000-عا جۋىق ادام ەم الۋدا. توسەك ورىندارىنىڭ جۇكتەمەسى قازىردىڭ وزىندە 50%-دى قۇرايدى!

قالامىزعا قوسىمشا شەكتەۋلەر ەنگىزگىمىز كەلمەيدى. بۇل قالا ەكونوميكاسىنا، تۇرعىنداردىڭ ءال-اۋقاتىنا اسەر ەتەدى. سونىمەن قاتار، كۇزدە جاڭا وقۋ جىلى باستالادى. بىراق بالالارىمىز ءۇشىن مەكتەپتەردى قايتا اشا المايمىز.

ۇجىمدىق يممۋنيتەت قالىپتاسقانعا دەيىن قالامىز قالىپتى رەجيمگە ورالمايدى.

ۆاكتسيناتسيا ادام ءومىرىن قاۋىپتى ۆيرۋستان قۇتقاراتىن جالعىز پاناتسەيا. ءبىز ەشبىر دالەلى جوق، اۋىزدان اۋىزعا تارالعان، ينتەرنەتتە، چاتتاردا جازىلعان جالعان اڭگىمەلەرگە ەمەس عىلىمي تۇردە دالەلدەنگەن قورعانۋ تاسىلىنە سەنۋىمىز كەرەك. ۆيرۋس ادام جاسىنا قارامايدى. وعان ءبارىبىر. ول مەيىرىمدىلىكتى بىلمەيدى!

دوستار، ءوزىڭىزدىڭ، جاقىندارىڭىز بەن تۋىستارىڭىزدىڭ ومىرىنە بەي-جاي قاراماۋىڭىز كەرەك! ءبىز اينالامىزداعى ادامدار ءۇشىن جاۋاپتىمىز! ۆاكتسيناتسيا ارقىلى ءوزىمىزدى قاۋىپسىزدەندىرە وتىرىپ، جاقىندارىمىزدى قاتەردەن ساقتايمىز!»، دەپ جازدى ەلوردا اكىمى.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار