ايماقتار • 21 ماۋسىم، 2021

جالعان قۇجاتپەن اباقتىعا كىرمەك بولعان ايەل ۇستالدى

6 رەت كورسەتىلدى

سەمەي قالاسىنداعى قاتاڭ رەجيمدەگى كولونيا قىزمەتكەرلەرى، جالعان نەكە قيۋ تۋرالى كۋالىكپەن ۇزاق مەرزىمدى كەزدەسۋگە كەلگەن ايەل ادامدى ۇستادى، دەپ حابارلايدى Egemen.kz.

مەكەمە اكىمشىلىگىن الداۋ ارقىلى قازاقستان قالالارىنىڭ بىرىنەن جالعان قۇجاتپەن «كۇيەۋىمەن» ۇزاق مەرزىمدى كەزدەسۋگە كىرۋ ءۇشىن كەلگەن. الايدا مەكەمەنىڭ تاجىربيەلى قىزمەتكەرلەرى بىردەن جالعان قۇجاتتى انىقتاپ، پوليتسيا قىزمەتكەرلەرىن شاقىردى.

قۇجاتتاردى تەكسەرۋ بارىسىندا قىزمەتكەرلەر قۇجاتقا قول قويعان تۇلعانىڭ قولى جالعان بولعانىن جانە قۇجاتتاردىڭ بەرىلگەن كۇنى تىركەۋ جاسالعان نومەردىڭ ءۇشىنشى ساندارىمەن ساي كەلمەيتىنى انىقتالدى.

«كەلگەن ادامنىڭ تۋىستىق بايلانىستى راستايتىن قۇجاتتارى ۇنەمى مۇقيات تەكسەرىلەدى. سوتتالعاننىڭ كەزدەسۋ كارتاسىندا  ايەل «جۇبايى» دەپ كورسەتىلسە دە، «ەرلى زايىپتىلاردىڭ» ورتاق بالالارى بولماعانى ءۇشىن ۇزاق مەرزىمدى كەزدەسۋ ۇسىنۋ ءۇشىن راستايتىن قۇجات مىندەتتى بولادى. ساراپتاما ناتيجەلەرى دايىن بولعانشا، ايەل ادام كۋالىكتىڭ جالعان ەكەنىن مويىنداعان جوق»، دەيدى مەكەمە باستىعىنىڭ ورىنباسارى باۋىرجان توكتىباەۆ.

سەمەي قالاسىنىڭ اۋەزوۆ ءبولىمىنىڭ پوليتسيا قىزمەتكەرلەرىمەن اتالعان ازاماتشاعا قاتىستى قازاقستان رەسپۋبليكاسىنىڭ قىلمىستىق كودەكسىنىڭ «قۇقىقتار بەرەتىن نەمەسە مىندەتتەردەن بوساتاتىن كۋالىكتى نەمەسە وزگە دە رەسمي قۇجاتتى قولدان جاساۋ نە مۇنداي قۇجاتتى وتكىزۋ» 385 بابىنىڭ 1-ءبولىمى بويىنشا قىلمىستىق ءىس قوزعالدى.

ەندى زاڭ بۇزۋشىعا 2000 اەك دەيىن كولەمىندە ايىپپۇل نەمەسە ەكى جىلعا باس بوستاندىعىن شەكتەۋ قاۋپى بار.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار