«وقيعا بولعان كۇنى سۋبۇرقاق قالىپتى رەجيمدە جۇمىس ىستەگەن. كۇننىڭ ءبىرىنشى جارتىسىندا كەزەكشى تەحنيكالىق مامان بىرنەشە رەت سۋبۇرقاق توستاعىن تازالاپ, جۇمىس ىستەپ تۇرعان سۋبۇرقاقتىڭ ىشىندەگى قوندىرماسىن (اعىنداردى) رەتتەۋ بويىنشا جۇمىس ىستەگەن, بۇل اتالعان وقيعا بولعانعا دەيىن سۋبۇرقاق جابدىعىنىڭ تۇتاستىعى مەن قاۋىپسىزدىگىن راستايدى», دەپ حابارلادى الماتى قالاسى جاسىل ەكونوميكا باسقارماسىنان.
بۇگىندە سۋبۇرقاققا تەكسەرۋ جۇمىستارى جۇرگىزىلدى.
«20 ماۋسىم كۇنى الماتى قالاسى جاسىل ەكونوميكا باسقارماسى, شجق «الماتىقالاجارىق» مكك جانە «ەكو الماتى» جشس وكىلدەرىنىڭ قاتىسۋىمەن سۋبۇرقاققا بارىپ, بىرلەسكەن تەكسەرۋ جانە زەرتتەۋ جۇرگىزىلدى. ونىڭ بارىسىندا سۋبۇرقاق جابدىعىنىڭ جۇمىسىنداعى اقاۋدى راستايتىن تەحنيكالىق بۇزۋشىلىقتار انىقتالمادى», دەلىنگەن حابارلامادا.
