قازاقستان • 19 ماۋسىم، 2021

قازاقستان ءسىم باسشىسى انتاليا ديپلوماتيالىق فورۋمىنا قاتىستى

15 رەت كورسەتىلدى

تۇركيا ۇكىمەتىنىڭ شاقىرۋىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ءبىرىنشى انتاليا ديپلوماتيالىق فورۋمىنىڭ جۇمىسىنا قاتىستى. فورۋمعا 100-دەن استام حالىقارالىق ۇيىمداردىڭ وكىلدەرى، ءتۇرلى مەملەكەتتەردىڭ ديپلوماتتارى، ۇكىمەتتىك ەمەس ۇيىمدار مەن ساراپشىلار قاتىستى، دەپ جازادى Egemen.kz.

اشىلۋ سالتاناتىندا تۇركيا رەسپۋبليكاسىنىڭ پرەزيدەنتى رەدجەپ تايپ ەردوعان ءسوز سويلەدى. ول ءوز سوزىندە ديپلوماتيانىڭ الەمدەگى قاقتىعىستار مەن كەلىسپەۋشىلىكتەردىڭ الدىن الۋ فاكتورى رەتىندەگى ماڭىزى ارتىپ كەلە جاتقانىن اتاپ ءوتتى. «بيپوليارلىق الەمنىڭ مۇراسى ادامزات پروبلەمالارىن شەشە المايدى. وتكەننىڭ ادەتتەرى مەن قالىپتاسقان قابىلداۋدىڭ تار شەڭبەرى ادامزاتتى قازىرگى زامانعى ماسەلەلەردى شەشۋگە جاقىنداتپايدى»، دەدى تۇركيا پرەزيدەنتى.

م.تىلەۋبەردى «ەكسترەميزمگە جانە كەمسىتۋشىلىككە قارسى كۇرەس» پانەلدىك سەسسياسىندا بايانداما جاساپ، وعان سونداي-اق پانەليستەر رەتىندە بۇۇ وركەنيەتتەر اليانسىنىڭ جوعارى وكىلى ميگەل انحەل موراتينوس، «ارامەيلەردىڭ دۇنيەجۇزىلىك كەڭەسىنىڭ» پرەزيدەنتى دجونني مەسسو، مۇسىلماندارعا قاتىستى توزىمسىزدىك پەن كەمسىتۋشىلىككە قارسى كۇرەس جونىندەگى ەقىۇ توراعاسىنىڭ وكىلى مەحمەت پاچادجي، ەۋروپالىق كوميسسيانىڭ باس عىلىمي كەڭەسشىسى البەرتو مەللوني، دەۆا ماريا سيريا پراۆوسلاۆ شىركەۋى قورىنىڭ وكىلى سايت سۋزين قاتىستى.

ءوز سوزىندە مينيستر قازاقستاننىڭ ەتنيكالىق جانە ءدىني قاعيداتتار بويىنشا ەكسترەميزم مەن كەمسىتۋشىلىككە قارسى ءىس-قيمىل جونىندەگى باستامالارى تۋرالى ايتىپ بەردى. اتاپ ايتقاندا، ول الەمدىك جانە ءداستۇرلى دىندەر ليدەرلەرى سەزى مەن قازاقستان حالقى اسسامبلەياسىنىڭ قىزمەتى تۋرالى، سونداي-اق اوسشك-تەگى قازاقستاندىق توراعالىقتىڭ باسىمدىقتارى تۋرالى حاباردار ەتتى.

ءىس-شارا اياسىندا م. تىلەۋبەردى بۇۇ باس حاتشىسىنىڭ ساياسي ماسەلەلەر جونىندەگى كومەكشىسى ميروسلاۆ ەنچا، بۇۇ وركەنيەتتەر اليانسىنىڭ جوعارى وكىلى م. موراتينوس، تۇركى كەڭەسىنىڭ باس حاتشىسى باعداد امىرەەۆ، كۋۆەيتتىڭ سىرتقى ىستەر ءمينيسترى – مينيسترلەر كابينەتى ىستەرى جونىندەگى مەملەكەتتىك ءمينيسترى احمەد ناسەر اس-ساباح، گاگاۋزيا اتب باسشىسى يرينا ۆلاح، تۇركى مادەنيەتى جانە مۇراسى قورىنىڭ پرەزيدەنتى گيۋناي افانديەۆا، سونداي-اق ءىرى تۇرىك بيزنەسىنىڭ وكىلدەرى – TAI مەملەكەتتىك اەروعارىش كومپانياسىنىڭ پرەزيدەنتى تەمەل كوتيل جانە قازاقستاننىڭ قۇرمەتتى كونسۋلى، چالىك حولدينگىنىڭ پرەزيدەنتى احمەت چالىكپەن كەزدەستى.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار