كەلەلى كەڭەسكە 10 ەلدىڭ مەملەكەت جانە ۇكىمەت باسشىلارى, 42 ەلدىڭ سىرتقى ىستەر مينيسترلەرى, حالىقارالىق ۇيىم باسشىلارى, تانىمال ساياساتكەرلەر, عالىمدار, بيزنەس جانە باق وكىلدەرى قاتىسۋدا. فورۋمدا عالامدىق جانە ايماقتىق ماسەلەلەر, داعدارىستار مەن قاقتىعىستاردى شەشۋ جولدارىن قاتىستى تاقىرىپتار تالقىلانادى.
فورۋمدى تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان اشتى.
ءوز سوزىندە ر.ت. ەردوعان الەمدەگى قاقتىعىستار مەن كەلىسپەۋشىلىكتەردىڭ الدىن الۋ فاكتورى رەتىندە ديپلوماتيانىڭ ماڭىزى ارتىپ كەلە جاتقانىن اتاپ ءوتتى.
اتالعان فورۋمعا حالىقارالىق تۇركى اكادەمياسىنىڭ پرەزيدەنتى دارحان قىدىرالى ارنايى قاتىسىپ جاتىر.
انتالياداعى Nest كونگرەسس ورتالىعىندا ءوتىپ جاتقان ديپلوماتيالىق فورۋم تۇركيا پرەزيدەنتىنىڭ قولداۋىمەن 20 ماۋسىمعا دەيىن جالعاسادى. فورۋمعا تۇركيا رەسپۋبليكاسىنىڭ سىرتقى ىستەر ءمينيسترى مەۆلۇت چاۆۋشوعلۋ مودەراتورلىق ەتۋدە.
