فۋتبول • 19 ماۋسىم، 2021

EURO-2020: بريتانيا دەربيى تەڭ اياقتالدى

39 رەت كورسەتىلدى

D توبىنىڭ ەكىنشى كەزدەسۋىندە انگليا مەن شوتلانديا قۇرامالارى جاسىل الاڭدا جولىعىپ، ءبىر-ءبىرىنىڭ قاقپاسىنا گول سوعا المادى، دەپ حابارلايدى Egemen.kz.

لوندونداعى «ۋەمبلي» ستاديونىندا وتكەن بريتانيا دەربيىندە اعىلشىندار شابۋىلدىڭ، شوتلانديالىقتار قورعانىستىڭ وزىق ۇلگىسىن كورسەتتى. دەگەنمەن كەزدەسۋدىڭ ءبىرىنشى بولىگى انگليانىڭ ازداعان باسىمدىعىمەن وتكەنىمەن، ەكىنشى تايمدا ەكى قۇرامالار تەڭ جاعدايدا وينادى. ەكىنشى 45 مينۋتتا ەكى ۇجىمدا دا گول سوعاتىن بىرنەشە مۇمكىندىك بولدى. الايدا شابۋىلشىلار وزدەرىنە بەرىلگەن مۇمكىندىكتى گولعا اينالدىرا الماي، جانكۇيەرلەرىن جەرگە قاراتتى. قورىتىندى ەسەپ – 0:0.

بۇگىنگى ويىندا ەكى قۇراما ءۇشىن دە جەڭىس اۋاداي قاجەت ەدى. ەگەر انگليا جەڭىسكە جەتكەندە مەرزىمىنەن بۇرىن پلەي-وفف كەزەڭىنە جولداما الاتىن. ال شوتلانديا ءۇش ۇپايدى ولجالاعاندا، اعىلشىندارعا تىقىر تاياناتىن ەدى. دەسە دە تەڭ ناتيجە شوتلانديانىڭ وڭ جامباسىنا كەلەتىن ەسەپ.
ەكىنشى تۋر ويىندارىنان كەيىن D توبىنىڭ تۋرنير كەستەسىنە كوز جۇگىرتەر بولساق، 4 ۇپايى بار انگليا مەن چەحيا كوش باسىندا تۇرسا، ءبىر ۇپايى بار حورۆاتيا مەن شوتلانديا ءۇشىنشى جانە ءتورتىنشى ورىندى ءبولىسىپ تۇر.

سوڭعى جاڭالىقتار

ۇقساس جاڭالىقتار