تەمىرجول ۆوكزالىنىڭ كىرەبەرىسىندە QR-كود سكانەرلەيتىن Ashyq جۇيەسى جۇمىس ىستەيدى.
«كوروناۆيرۋستىق ينفەكتسيانىڭ تارالۋ قاۋپىن ازايتۋ ءۇشىن 2021 جىلدىڭ 14 ماۋسىمىنان باستاپ نۇر-سۇلتان تەمىرجول ۆوكزالىندا Ashyq جوباسى ەنگىزىلگەنىن حابارلايمىز. كىرۋ كەزىندە جولاۋشى QR-كودتى ASHYQ.KZ, KASPI.KZ, AITY ءموبيلدى قوسىمشاسى ارقىلى سكانەرلەيدى», دەلىنگەن حابارلامادا.
ەگەر قوسىمشا ورناتىلماعان بولسا, كىرەبەرىستە ۆوكزال قىزمەتكەرىنە جسن كورسەتۋ قاجەت. ال شەتەلدىكتەردىڭ ستاتۋسى پاسپورتتىڭ ءنومىرى ارقىلى تەكسەرىلەدى. بۇل رەتتە 18 جاسقا دەيىنگى بالالار تەكسەرۋدەن وتپەيدى.
تەمىرجول ۆوكزالىنا «قىزىل» جانە «سارى» ستاتۋسى بار ازاماتتار كىرگىزىلمەيدى. سول سەبەپتى Ashyq.kz سايتىنداعى بەيتاراپ كود ارقىلى ءوز ستاتۋسىڭىزدى الدىن الا تەكسەرىپ الۋىڭىز قاجەت.
