العاشقى كۇنى جەرلەستەرىمىز ءۇش جۇلدەگە يەلىك ەتتى. 54 كيلو سالماقتاعى سايات تەمىرحان قولا مەدالدى موينىنا ىلسە, 87 كيلو سالماقتاعى سمايىل دۇيسەباي اقتىق سىنعا دەيىن القىنباي جەتكەنىمەن شەشۋشى تۇستا وڭتۇستىك كورەيانىڭ وكىلىنەن ۇتىلىپ, قاتارىنان ەكىنشى مارتە ازيا بىرىنشىلىگىنىڭ كۇمىس جۇلدەگەرى اتاندى. ال 2018 جىلى ول ۆەتنامنىڭ حوشەمين قالاسىندا «سارى قۇرلىقتىڭ تەڭدەسسىزى» دەپ تانىلعان ەدى. ايەلدەر سايىسىندا سىنعا تۇسكەن جانسەل دەنيز دە ءدال سول مەجەدەن كورىندى. قۇرلىق چەمپيوناتى مەن دۇنيەجۇزىلىك ۋنيۆەرسيادادا ەكىنشى ورىندى ولجالاعان قازاق قىزى بەيرۋتتەگى باسەكەنىڭ فينالىندا كورەيالىق تاەكۆوندوشىعا جول بەردى.
كەشە تاعى بىرنەشە سالماق دارەجەسى بويىنشا «جان الىسىپ, جان بەرىسكەن» سايىستار ءوتتى. بۇل باسەكەلەردىڭ قالاي اياقتالعانى جايىندا گازەتىمىزدىڭ كەلەسى سانىندا باياندايمىز.
