اقپارات جانە قوعامدىق دامۋ ۆيتسە-ءمينيسترى ب. تىلەپوۆ ۇەۇ-مەن ءوزارا ءىس-قيمىل بويىنشا جۇرگىزىلىپ جاتقان جۇمىستار جانە جالپى ازاماتتىق قوعامدى دامىتۋ سالاسىندا جەتىلدىرۋ بويىنشا قانداي جۇيەلى جۇمىستار جۇرگىزىلىپ جاتقانى تۋرالى ايتىپ بەردى.
ول, قر پارلامەنتى ماجىلىسىنە ۆولونتەرلىك جانە قايىرىمدىلىق قىزمەت, گرانتتىق قارجىلاندىرۋ ماسەلەلەرى بويىنشا زاڭ جوباسىن ەنگىزۋ جوسپارلانۋدا ەكەندىگىن ايتتى.
ۇكىمەتتىك ەمەس سەكتور تاراپىنان كەزدەسۋگە قاتىسۋشىلار دەپۋتاتتاردى ءوز قىزمەتىمەن تانىستىردى. اتاپ ايتقاندا, ازاماتتىق باستامالاردى قولداۋ ورتالىعىنىڭ توراعاسى ليما دياس, قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا, ۆولونتەرلەر فرونت-كەڭسەسىنىڭ باسشىسى تاتيانا ميرونيۋك ءسوز سويلەدى.
ءوز كەزەگىندە ءماجىلىس دەپۋتاتتارى ازاماتتىق باستامالاردى قولداۋ جونىندەگى قىزمەتتى زاڭنامالىق تۇرعىدا جەتىلدىرۋ بويىنشا وي-پىكىرلەرىمەن ءبولىستى.
«زاڭ جوباسى بويىنشا جۇمىس توبى قۇرىلعان كەزدە, ونىڭ الدىندا, دەپۋتاتتار ءۇشىن وسىنداي فورماتتا كەزدەسۋدى ۇيىمداستىرۋ كەرەك, ولار ءبىز سياقتى سالاعا ءۇڭىلىپ, تەرەڭ ءتۇسىنۋ ءتيىس», دەدى قر پارلامەنتى ءماجىلىسىنىڭ دەپۋتاتى دانيا ەسپاەۆا.
ب.تىلەپوۆ ۇكىمەتتىك ەمەس سەكتور تاراپىنان كونسۋلتاتسيالار, ادىسنامالىق كومەك, تۇسىندىرمەلەر الۋعا سۇرانىس — ابقو نەگىزىندە رەسپۋبليكالىق ۇەۇ قولداۋ ورتالىعىن قۇرۋعا سەبەپ بولعانىن اتاپ ءوتتى.
كوۆوركينگ ورتالىق قاجەتتى تەحنيكامەن جابدىقتالعان, ول ونلاين كەزدەسۋلەر, Digital-تانىستىرىلىمدار وتكىزۋگە مۇمكىندىك بەرەدى, وندا الەۋەتتى جانە گرانت الۋشىلار ءۇشىن كونسۋلتاتسيالار, سونداي-اق ۇەۇ سۇراۋى بويىنشا باسقا دا ءىس-شارالار وتكىزىلەدى. ازاماتتىق سەكتورمەن جۇمىستىڭ وسىنداي فورماتى ازاماتتىق قوعامنىڭ ءوسىپ كەلە جاتقان سۇرانىستارىن ءتيىمدى جانە جەدەل شەشۋگە ىقپال ەتەدى دەپ بولجانۋدا.
