ايماقتار • 17 ماۋسىم، 2021

«ەرتىس» فۋتبول كلۋبى جابىلا ما؟

10 رەت كورسەتىلدى

ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا پاۆلودار وبلىسىنىڭ اكىمى «ەرتىس» فۋتبول كلۋبىنا قاتىستى ساۋالعا جاۋاپ بەردى، دەپ حابارلايدى Egemen.kz.

«ەرتىس» اينالاسىنداعى جاعداي – تراگەديا جانە پاۆلودارلىق رەتىندە مەنىڭ دە ۋايىمىم. كلۋبتىڭ تاريحى باي. دەگەنمەن، بىلتىرعى قارجىلىق قيىندىقتار ونىڭ چەمپيوناتتى جالعاستىرۋىنا مۇمكىندىك بەرمەدى. قازىرگى كەزدە كلۋبتىڭ قارىزدارىنان قۇتىلۋدىڭ ۇزاق پروتسەسسى ءجۇرىپ جاتىر»، دەدى ابىلقايىر سقاقوۆ.

وبلىس اكىمى «ەرتىستەن» بولەك وبلىستا ەكى كاسىپقوي فۋتبول كلۋبى – «اقسۋ» مەن «ەكىباستۇزدىڭ» بارىن ەسكە سالدى. ابىلقايىر سقاقوۆ «اقسۋدىڭ» بيىلعى ءبىرىنشى ليگادا ءساتتى ونەر كورسەتىپ جاتقانىن ايتىپ، وندا تولىعىمەن جەرگىلىكتى فۋتبولشىلاردىڭ ونەر كورسەتىپ جاتقانىن اتاپ ءوتتى.

«ودان بولەك، وبلىستا اۋەسقوي جانە كاسىپقوي فۋتبول بىرگە دامىپ كەلەدى. فۋتبولدى دامىتۋدىڭ ارنايى تۇجىرىمداماسى قابىلدانىپ، ول تۇرعىندارمەن كەلىسىلدى. قازىرگى كەزدە اۋلا، اۋدان مەن قالالار اراسىندا كوپتەگەن جارىستار وتۋدە. سوندىقتان پاۆلوداردا فۋتبول ولگەن جوق، ونىڭ پوزيتسيالارى مىعىم، ول جاقسى دامىعان»، دەدى ابىلقايىر سقاقوۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار