قوعام • 16 ماۋسىم، 2021

«قازاۆتوجول» الماتى وبلىستىق فيليالىنىڭ ديرەكتورى قايتىس بولدى

560 رەت كورسەتىلدى

وسىدان ءبىر اي بۇرىن «قازاۆتوجول» ۇك» اق الماتى وبلىستىق فيليالىنىڭ ديرەكتورى بولىپ تاعايىندالعان جاڭاباي قوبىلاندين 62 جاسىندا قايتىس بولدى، دەپ حابارلايدى Egemen.kz.

قر يندۋستريا جانە ينفراقۇرىلىمدىق دامۋ مينيسترلىگىنىڭ ۇجىمى قۇرمەتتى جولشى، ارداقتى ازامات قوبىلاندين جاڭاباي ناعىم ۇلىنىڭ مەزگىلسىز قازاسىنا بايلانىستى بارشا تۋعان-تۋىستارى مەن جاقىندارىنا قايعىرىپ كوڭىل ايتتى. 

«جاڭاباي ناعىم ۇلى بار عۇمىرىن ەلىمىزدىڭ اۆتوجول سالاسىنا ارناعان اپتال ازامات ەدى. ءاردايىم باي تاجىريبەسىمەن، بىلىمىمەن جانە جوعارى كاسىبيلىگىمەن ەرەكشەلەنەتىن. اۆتوجول سالاسىنداعى يگى جوبالاردى تابىستى ىسكە اسىرۋعا ۇيىتقى بولا ءبىلدى. ادامگەرشىلىگى مول، ادال ءارى ءادىل جان ەدى»، دەلىنگەن كوڭىل ايتۋ حاتىندا.

ج.قوبىلاندين 1959 جىلى اقتوبە وبلىسىندا دۇنيەگە كەلگەن. ەڭبەك قىزىل تۋ وردەندى قازاق اۋىل شارۋاشىلىعى ينستيتۋتىن تامامداعان.

ەڭبەك جولىن 1981 جىلى «كازسەلحوزمەحانيزاتسيا» ۇەۇ ينجەنەر-كونسترۋكتورى، عىلىمي قىزمەتكەرى بولىپ باستاعان بولاتىن.

1993-2013 جىلدارى «جاڭالىق» كوپسالالى شاعىن كاسىپورنىنىڭ ديرەكتورى، «شالقار» ۇجىمدىق كاسىپورنىنىڭ جانە باسقارما توراعاسى، «قازاقاۆتوجول» رمك اقتوبە وبلىستىق فيليالى ديرەكتورىنىڭ ورىنباسارى، «قازاقاۆتوجول» رمك اقتوبە جانە اقمولا وبلىستىق فيليالدارىنىڭ ديرەكتورلارى قىزمەتتەرىن اتقاردى.

سونداي-اق 2013-2018 جىلدارى - قر كولىك جانە كوممۋنيكاتسيا مينيسترلىگى اۆتوموبيل جولدارى كوميتەتى اقمولا وبلىستىق دەپارتامەنتىنىڭ ديرەكتورى. 2018 جىلدان باستاپ «قازاۆتوجول» ۇك» اق-نىڭ ءۇش بىردەي وبلىستىق فيليالدارىندا ديرەكتور لاۋازىمىندا بولدى.

2020 جىلدىڭ ناۋرىزىنان باستاپ 2021 جىلدىڭ مامىرىنا دەيىن قازاقستانداعى LTD CITIC Construction Co فيليالى ديرەكتورىنىڭ ورىنباسارى قىزمەتىن اتقارعان.

 

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار