قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ۇلتتىق شۇعىل مەديتسينانى ۇيلەستىرۋ ورتالىعىنىڭ ء(بۇدانارى–ۇشمۇو) ماماندارى 2021 جىلدىڭ 5 ايىندا 1 105 ۇشۋدى ورىندادى, 1 704 پاتسيەنتكە, ونىڭ ىشىندە: پاتولوگياسى بار 417 بالاعا, جاراقاتتارى, جازاتايىم وقيعالارى جانە ۋلانۋلارى بار 242 پاتسيەنتكە, اكۋشەرلىك پراكتيكاداعى شۇعىل جاعدايلار بويىنشا 426 پاتسيەنتكە, قان اينالىمى جۇيەسى اۋرۋلارى بار 239 پاتسيەنتكە, 220 جاڭاتۋعان پاتسيەنتكە, باسقا دا اۋرۋلارى بار 160 پاتسيەنتكە مەديتسينالىق كومەك كورسەتتى.
سونداي-اق, اعىمداعى جىلدىڭ 5 ايىنىڭ قورىتىندىسى بويىنشا 2 076 مەديتسينالىق قىزمەت ورىندالدى, ونىڭ ىشىندە: 1 101-ءى تاسىمالداندى, مەديتسينالىق ۇيىمدارعا 1 704 پاتسيەنت, 120 كونسۋلتاتسيا, 78 وپەراتسيا جاسالدى, 777 قاشىقتان مەديتسينالىق قىزمەت ۇيىمداستىرىلدى.
رەسپۋبليكا شەگىندەگى مەديتسينالىق اۆياتسيا رەيستەرىنەن باسقا شەتەلدە اۋىر حالدە جاتقان قازاقستان رەسپۋبليكاسىنىڭ ازاماتتارى مەن قانداستاردى حالىقارالىق تاسىمالداۋ جۇزەگە اسىرىلادى. 2021 جىلدىڭ 5 ايىندا شەتەلدىك كلينيكالاردان وتاندىق مەديتسينالىق ۇيىمداردا ەمدەۋدى جالعاستىرۋ ءۇشىن مەديتسينالىق اۆياتسيامەن 1 قازاقستان رەسپۋبليكاسىنىڭ ازاماتى تاسىمالداندى.
ءۇشمۇو وقىتۋ-ترەنينگتىك ورتالىعى قازاقستان رەسپۋبليكاسىنىڭ مەديتسينا قىزمەتكەرلەرىنىڭ شۇعىل كومەك كورسەتۋدىڭ حالىقارالىق ستاندارتتارى سالاسىنداعى بىلىكتىلىگىن ارتتىرۋعا ۇلكەن ۇلەس قوسۋدا. سەرتيفيكاتتالعان نۇسقاۋشىلارمەن 2021 جىلدىڭ 1 توقسانىندا حالىقارالىق ستاندارتتار بويىنشا 616 تىڭداۋشى مەديتسينالىق قىزمەتكەرلەر باعدارلاما بويىنشا وقىتىلدى: «BLS, ACLS, رLS» – 243, «قاۋىپسىز كولىك جۇرگىزۋ. قيىن جاعدايلاردا قاۋىپسىز كولىك جۇرگىزۋ» –32 وقىتىلدى. ەمدەۋگە جاتقىزۋعا دەيىنگى كەزەڭدە اكۋشەرياداعى شۇعىل جاعدايلار بويىنشا شەبەرلىك كلاسس – 324, كەشەندى سەمينار-ترەنينگ (BLS, ACLS, PHTLS, PALS) – 2, ۇشۋ فيزيولوگياسى جانە پاتسيەنتتەردى تاسىمالداۋ – 15 وتكىزىلدى.
سونداي-اق, ءۇشمۇو قۇرىلىمىندا احۋالدىق ورتالىق قۇرامىندا بىلىكتى بەيىندى ماماندار (رەانيماتولوگتار, اكۋشەر-گينەكولوگتار, ينفەكتسيونيستەر, پۋلمونولوگتار, كارديولوگتار, نەفرولوگتار جانە ت. ب.) بار ساراپتامالىق توپپەن بىرلەسىپ تاۋلىك بويى بەلسەندى جۇمىس جۇرگىزەدى, مەديتسينالىق اۆياتسيا جەلىسى بويىنشا مەديتسينالىق كومەك كورسەتۋ ساپاسىن جاقسارتۋ بويىنشا شارالار قابىلداۋ ءۇشىن تۇراقتى نەگىزدە انەستەزيولوگيا, رەانيماتسيا جانە قارقىندى تەراپيا بولىمشەسىندە جاتقان اۋىر حالدەگى پاتسيەنتتەرگە جانە جرۆي, پنەۆمونيانىڭ اۋىر تۇرىمەن ناۋقاستانعان پاتسيەنتتەرگە كۇندەلىكتى تاۋلىك بويى مونيتورينگ پەن تالداۋ جۇرگىزىلەدى.
سونىمەن قاتار, ءۇشمۇو بازاسىندا قازاقستان رەسپۋبليكاسىنداعى كوروناۆيرۋستىق ينفەكتسيا بويىنشا ەپيدەميولوگيالىق جاعدايدى مونيتورينگتەۋ جانە تالداۋ جونىندەگى احۋالدىق ورتالىق جانىنان جەدەل شتاب قۇرىلدى, ونىڭ جۇمىسى تاۋلىك بويى جۇرگىزىلەدى.
