وقيعا • 15 ماۋسىم، 2021

اتىراۋدا 24 ملن تەڭگەنىڭ ەسىرتكىسىن ساتپاق بولعاندار ۇستالدى

340 رەت كورسەتىلدى

اتىراۋدا 24 ملن تەڭگەنىڭ ەسىرتكىسىن ساتپاق بولعان تەرىس ءدىني اعىم وكىلدەرى ۇستالدى، دەپ حابارلايدى Egemen.kz.

وبلىستىق پوليتسيا دەپارتامەنتىنىڭ باستىعى، پوليتسيا پولكوۆنيگى قامزا ۇمبەتقاليەۆتىڭ ايتۋىنشا، «كاراسورا-2021» جەدەل الدىن الۋ ءىس-شاراسى ءوتىپ جاتىر.

«اتالعان ءىس-شارا كەزىندە ەكسترەميزمگە قارسى ءىس-قيمىل جانە ەسىرتكى قىلمىسىنا قارسى ءىس-قيمىل باسقارمالارىنىڭ قىزمەتكەرلەرى اتىراۋعا ورال قالاسىنان كەلىپ، سينتەتيكالىق ەسىرتكى ساتپاق بولعان 1998 جانە 1999 جىلى تۋعان ەكى كۇدىكتىنى ۇستادى. كۇدىكتىلەردەن سينتەتيكالىق ەسىرتكى بار زيپ پاكەتتەرگە ورالعان 46 ءتۇيىر تابىلدى. ولاردىڭ جالعا العان پاتەرىنەن ەكى پاكەتكە ورالعان سينتەتيكالىق ەسىرتكى زاتى مەن 100 دانا دايىن بەتبەلگى تاركىلەندى. ناتيجەسىندە جالپى سوماسى 24 ملن تەڭگەگە جۋىق سينتەتيكالىق ەسىرتكىنىڭ 2 400 ءبىر رەتتىك دوزاسى زاڭسىز اينالىمعا جىبەرىلمەدى» دەيدى قامزا ۇمبەتقاليەۆ.

قازىر ۇستالعان كۇدىكتىلەرگە قر قىلمىستىق كودەكسىنىڭ 297-بابىنىڭ 3-بولىگىمەن تەرگەۋ امالدارى باستالدى. ال، كۇدىكتىلەر سوتتىڭ سانكتسياسىمەن اتىراۋ قالاسىنداعى تەرگەۋ يزولياتورىنا قامالدى.

 

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار