كريمينالدىق پوليتسيا مالىمەتى بويىنشا, ۇرلىقپەن اينالىسقان توپ قۇرامىندا ءۇش ەر ادام بولعان. ولاردىڭ ەكەۋى شىعىس قازاقستان وبلىسىنىڭ تۇرعىنى.
«قازىرگى ۋاقىتتا ولاردىڭ اۋەزوۆ جانە الاتاۋ اۋداندارى اۋماعىنداعى ءتورت ۇرىلىق دەرەگىنە قاتىسى بار ەكەنى دالەلدەندى. قاسكويلەر قاراڭعىدا جانە تەك كۇزەتىلمەيتىن تۇراقتارى بار اۋداندا جۇمىس ىستەگەنى انىقتالدى. ولار كاتاليزاتوردى كەسىپ الىپ, كەيىن ساتۋمەن اينالىسقان. قىلمىستىق دەرەكتەر سانى بۇدان دا كوپ بولۋى مۇمكىن. وسىعان بايلانىستى جەدەل شارالار كەشەنى جۇرگىزىلىپ جاتىر.
تەرگەۋ اياسىندا ۇستالعاندار ۋاقىتشا ۇستاۋ يزولياتورىنا قامالدى», دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
