كۇنشىعىس ەلىنىڭ وكىلدەرى ايتۋلى دودادا ەكىنشى قۇراممەن ونەر كورسەتكەنىنە قاراماستان, بارلىق باسەكەدە ءوز قارسىلاستارىنان باسىم ءتۇستى. توپتىق تۋرنيردە ولار ۋكراينانى ۇتسا, جارتىلاي فينالدا رەسەي قۇراماسىنىڭ تاس-تالقانىن شىعاردى. اقتىق ايقاستا ازيالىقتار فرانتسيانىڭ بالۋاندارىمەن شەبەرلىك بايقاستى. ولار ءوز كەزەگىندە نيدەرلاند, گرۋزيا جانە وزبەكستاننىڭ ورەندەرىن جولدارىنان ىعىستىرعان ەدى. فينالدىق سايىستا جاپونيا بالۋاندارىنىڭ قارقىنى تىم كۇشتى بولدى. ولار فرانتسۋزداردى بەت قاراتپاي ۇتىپ, كوماندالىق جارىستىڭ باس جۇلدەسىن ولجالادى. ال قولا مەدال برازيليا مەن وزبەكستاننىڭ دزيۋدوشىلارىنا بۇيىردى.
بۇل جارىستا قازاقستاننىڭ دزيۋدوشىلارى دا ونەر كورسەتكەن ەدى. العاشقى اينالىمدا جەرلەستەرىمىز برازيليالىقتاردان 0:3 ەسەبىمەن جەڭىلگەنىنە قاراماستان, تارازى باسىن تەڭەستىرە الدى. بۇل رەتتە اڭساربەك عاينۋللين (73 كگ), ەرسۇلتان مۇزافاروۆ (90 كگ) جانە ءمولدىر نارىنوۆا (70 كگ) ءوز قارسىلاستارىن قاپى قالدىردى. بىراق قوسىمشا كەزدەسۋدە وڭتۇستىك امەريكادان كەلگەن وعلانداردىڭ باعى جاندى.
