جەلىدە جاريالانعان ۆيدەودا ەكى ەر ادامنىڭ «نۇر الاتاۋ» شاعىناۋدانىنداعى جەكە ءۇيدىڭ اۋماعىنا زاڭسىز كىرگەن ءساتى تۇسىرىلگەن.
«قىلمىس ءتۇن ىشىندە بولعان. جەكە ءۇيدىڭ اۋلاسىنا كىرىپ, قاسكويلەر Hyundai اۆتوكولىگىنىڭ ەسىگىن اشىپ, سول جەردەن ءۇي يەسىنىڭ جەكە مۇلكىن ۇرلاعان. ايەل ماتەريالدىق شىعىندى 200 مىڭ تەڭگەگە باعالادى. اتالعان دەرەك سوتقا دەيىنگى تەرگەۋدىڭ بىرىڭعاي تىزىلىمىندە قر قك-ءنىڭ 188-بابى, 3-ءبولىمى بويىنشا تىركەلگەن.
كۇدىكتىلەر بىردەن انىقتالدى. بىرەۋى 1998 جىلى تۋعان ۆ. ەسىمدى الماتى وبلىسىنىڭ تۇرعىنى جانە ەكىنشىسى 1998 جىلعى ب. ەسىمدى الماتىلىق ەر ادام. قازىرگى ۋاقىتتا ۇستالعانداردىڭ وسىعان ۇقساس تاعى ءۇش ادامنىڭ مۇلكىن ۇرلاۋعا قاتىسى بار ەكەنى دالەلدەندى. بارلىق ەپيزودتا قاسكويلەر قورشاۋ ارقىلى ارەكەت ەتكەنى نازار اۋدارتادى», دەدى الماتى قالالىق پد كريمينالدىق پب-نىڭ باستىعى قۋاتبەك ناۋاتوۆ.
كۇدىكتىلەر ۋاقىتشا ۇستاۋ يزولياتورىنا قامالدى.
